Bulli Bai App : भावनाशुन्य हॅकरनं पोलिसांना दिली आत्महत्येची धमकी

बुली बाई हे App (Bulli Bai Aplication) तयार करुन मुस्लिम महिलांची बदनामी करण्याच्या आरोपात पोलिसांनी नीरज बिश्नोई (Niraj Bishnoi) या आरोपीला ताब्यात घेतलं आहे. त्यातच आता नीरजने तो सुल्ली डील्स हे App तयार करणाऱ्या व्यक्तिच्या संपर्कात असल्याचं कबूल केलंय. त्यानंतर आता या आऱोपीने थेट आत्महत्येची धमकी देत तसा प्रयत्न देखील केल्याचं समजतंय. त्यामुळे आता पोलिसांनी त्यांच्यावर करडी नजर ठेवली आहे.

बुली बाई अॅप प्रकरणातील मुख्य आरोपी आणि सूत्रधार नीरज बिश्नोई एक धुर्त आणि असंवेदनशील असा तरुण असल्याचं पोलिसांनी सांगितलं आहे. त्यामळे तो कधी काय करेल हे सांगता येत नाही. एवढंच नाही तर नीरजने पोलिस कोठडीत आत्महत्येची धमकीही दिली असून यादरम्यान त्याने दोनदा स्वतःला इजा करण्याचाही प्रयत्न केला आहे. दिल्ली पोलिसांच्या IFSC स्पेशल सेलने ही माहिती दिली आहे. ४८ तासांहून अधिक काळ पोलिस कोठडीत असलेला बिष्णोई तासाला काहीतरी नवीन दावा करत आहे. न्यायालयाने गुरुवारी बिष्णोईला सात दिवसांची पोलिस कोठडी सुनावली.

पोलिसांनी दिलेल्या माहितीनुसार, बिश्नोईने १५ वर्षांचा असताना शाळेची वेबसाइट हॅक केली होती. तो सवयीचा हॅकर होता. बिश्नोईने यापूर्वी पाकिस्तानातील अनेक शाळा आणि विद्यापीठांच्या वेबसाइट हॅक केल्याचा दावा केला आहे. सध्या पोलीस या दाव्यांमध्ये सत्यता पडताळण्यात गुंतले आहेत. बुधवारी रात्री बिश्नोईला दिल्ली पोलिसांच्या IFSO स्पेशल सेलने आसाममधील जोरहाट येथून अटक केली. जी