CDS बिपीन रावत : अखेर देश हादरवून टाकणाऱ्या अपघातामागचं सत्य आलं समोर | Reason for the CDS Bipin Rawat Chopper Crash | Sakal
sakal

बोलून बातमी शोधा

Reason for the CDS Bipin Rawat Chopper Crash

CDS बिपीन रावत : अखेर देश हादरवून टाकणाऱ्या अपघातामागचं सत्य आलं समोर

नवी दिल्ली: देशाचे पहिले सीडीएस जनरल बिपीन रावत (Bipin Rawat) यांचा हेलिकॉप्टर अपघातात दुर्दैवी मृत्यू झाला होता. आठ डिसेंबर रोजी हा अपघात (Tamil Nadu) झाला होता. या अपघातात एकूण चौदा जणांचा मृत्यू झाला होता. या अपघातासंदर्भात संपूर्ण देशाला प्रश्न पडले होते की हा अपघात नेमका झाला कसा? आणि कशामुळे झाला. यासंदर्भात नेमण्यात आलेल्या समितीचा प्राथमिक अहवाल समोर आला आहे. (CDS Bipin Rawat Chopper Crash Reason)

हेही वाचा: कोरोनाच्या लशीने पॅरालिसीस झाला बरा

या अपघाताच्या तपासाअंती त्यांनी सांगितलंय की, या संपूर्ण घटनेच्या पाठीमागे कसल्याही प्रकारचा कट होता किंवा कुठला तांत्रिक बिघाड हेलिकॉप्टर होता वा कुठल्याही प्रकारचं दुर्लक्ष झालं होतं, अशी कोणतीच बाब समोर आलेली नाहीये. तमिळनाडू राज्यातील खोऱ्यातील हवामानात अनपेक्षित बदल झाल्याने हेलिकॉप्टर ढगांमध्ये घुसल्याने हा अपघात झाल्याचे चौकशी पथकाने सांगितलंय. अचानकपणे क्लायमेट बदललं आणि हेलिकॉप्टरचा मार्ग बदलला आणि ते पायलटच्या नियंत्रणात न राहता ढगामध्ये गेल्याने त्याचा मार्ग भटकल्याचा अहवाल समोर आला आहे. या समितीने सगळ्या बाबींची मदत घेऊन, घटनेशी निगडीत लोकांची साक्षही नोंदवली आहे. त्यातूनच हा अहवाल त्यांनी मांडला आहे. हेलिकॉप्टरमध्ये कुठल्याही प्रकारचा तांत्रिक बिघाडकिंवा कटकारस्थान नसल्याची माहिती समोर आली आहे.

हेही वाचा: मुंबईतील रूग्णवाढ थांबेना! आज 11,317 कोरोना बाधितांची नोंद

हवाई दलाचे प्रमुख एअर चीफ मार्शल व्हीआर चौधरी आणि एअर मार्शल मानवेंद्र सिंग यांच्या नेतृत्वाखालील त्रि-सेवा तपास पथकाचा (tri-service investigation team) हा अधिकृत निष्कर्ष आहे. 5 जानेवारी रोजी त्यांनी संरक्षण मंत्री राजनाथ सिंह यांना चौकशीतील निष्कर्षांची माहिती दिली.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Bipin Rawataccident case
loading image
go to top