छत्तीसगड विधानसभा उपाध्यक्ष मंडावी यांचे निधन; अनेक नेत्यांकडून शोक व्यक्त

मुंबई - छत्तीसगढ़ मधील विधानसभेचे उपाध्‍यक्ष मनोज मंडावी यांचे निधन झाले आहे. आज ( ता. १६) धमतरी मधील बठेना रूग्णालयामध्ये त्यांनी अखेरचा श्वास घेतला. ते ५८ वर्षांचे होते. छत्तीगडचे मुख्यमंत्री भूपेश बघेल यांच्यासह अनेक त्यांच्या मंडावी यांच्या निधनावर शोक व्यक्त केला. (Chhattisgarh deputy speaker manoj mandavi no more )

मनोज मंडावी यांचा जन्म १४ नोव्हेंबर १९६४ मध्ये एका सर्वसाधारण कुटुंबांत झाला होता. मंडावी हे २०१८ साली भानुप्रतापपुर मधून निवडणूक जिंकून विधानसभेत पोहचले होते.

मुख्यमंत्री भूपेश बघेल यांनी ट्विट करत म्हटलं की, छत्तीसगढ़ विधानसभेचे उपाध्यक्ष मनोज सिंह मंडावी यांच्या आकस्मिक निधनाची बातमी प्रचंड दुःख देणारी आहे. देव त्यांच्या कुटुंबाला आघात सहन करण्याची शक्ती देवो.

मनोज मंडावी यांनी पहिल्यांदा १९९८ मध्ये निवडून आले होते. २००० मध्ये त्यांनी मंत्रीपद सांभाळले होते. २०१३ आणि २०१८ मध्येते सलग दोनवेळा विधानसभा निवडणुकीत विजयी झाले होते.