योगी पहिल्यांदाच लढवणार विधानसभेची निवडणूक?

उत्तर प्रदेशचे मुख्यमंत्री योगी आदित्यनाथ (UP CM Yogi Adityanath) यांनी उत्तर प्रदेशची विधानसभा निवडणूक (Assembly Elections 2022) लढवणार असल्याचे संकेत दिले आहेत. मात्र कोणत्या जागेवरून निवडणूक लढवणार याचं उत्तर त्यांनी अद्याप दिलेलं नाही. माध्यमांशी अनौपचारीक संवाद साधत असताना त्यांनी ही माहिती दिल्यांचं एनडीटीव्हीने दिलेल्या वृत्तामधून समोर आलं आहे. कोणत्या मतदार संघातून निवडणूक लढवणार आहात? असे विचारले असता ते म्हणाले की, पक्ष सांगेल तिथूनच मी लढेन. कोणत्याही मतदार संघातून लढण्यास मी तयार असून, माझी वैयक्तिक कोणतीही पसंती नाही.

प्रसारमाध्यमांशी अनौपचारिक संवाद साधताना त्यांनी एका प्रश्नाला उत्तर देताना सांगितले की, विधानसभा निवडणुकीत भाजपचाच विजय होईल. भाजप (BJP) विधानसभेच्या तीनशेहून अधिक जागा जिकंणार असल्याचा विश्वासही त्यांनी व्यक्त केला. योगी आदित्यनाथ यावेळी विधानसभा निवडणुकीत उभे राहिल्यास त्यांची ही पहिलीच विधानसभा निवडणूक असेल.

आगामी काळातील विधानसभा निवडणुकांच्या पार्श्वभूमीवर सर्वच पक्षांनी जोरदार तयारी सुरू केलेली दिसतेय. त्यात योगी आदित्यनाथ हे स्वत: विधानसभेच्या निवडणुकीत उतरणार असल्याचे संकेत मिळाले आहेत. योगी आदित्यनाथ यांची ही पहिली विधानसभा निवडणूक लढवणार असून, यापूर्वी त्यांनी २०१४ लोकसभेची निवडणूक लढवली होती. त्यानंतर २०१७ साली मुख्यमंत्री पदासाठी त्यांना भाजपकडून विधार परीषदेवर पाठवण्यात आलं होतं.