जिल्हाधिकाऱ्याने कार्यालयात शिपायाकडून घेतले पाय चेपून...

रायबरेली (उत्तर प्रदेश): जिल्हाधिकाऱयाने कार्यालयातच वृद्ध शिपायाकडून पाय चेपून घेतल्याचा धक्कादायक प्रकार घडला असून, संबंधित व्हिडिओ सोशल मीडियावर व्हायरल झाला आहे. नेटिझन्स प्रतिक्रियांच्या माध्यमातून टीका करताना दिसत आहेत.

भारताच्या कारवाईनंतर पाकचे सैनिक सुटले पळत...

जिल्हाधिकारी कार्यालयात नाझीर पवन श्रीवास्तव हे वृद्ध शिपाई राम लखन यांच्याकडून पाय चेपून घेत होते. पण, हा सगळा प्रकार कॅमेऱ्यात कैद होत असल्याचे त्यांच्या लक्षात येताच तात्काळ उठून ते कार्यालयाबाहेर निघून गेले. पण, पाय चेपून घेतल्यानंतर कार्यालयात चर्चा रंगली होती. यानंतर संबंधित व्हिडिओ व्हायरल झाला आहे. राज्यातील अनेकांनी व्हिडिओ व्हायरल करून, कारवाई करण्याची मागणी केली आहे. या प्रकरणी कार्यालयात सुरू असलेल्या मनमानी कारभारावर आणि या अधिकाऱ्यावर काय कारवाई होणार? याकडे सर्वांचे लक्ष आहे.

चीनी सैनिकांकडून जवानांच्या मृतदेहाची विटंबना...

दरम्यान, उत्तर प्रदेशचे मुख्यमंत्री योगी आदित्यनाथ यांनी कार्यालयात धूम्रपान करण्यास मनाई केली आहे. सरकारी कार्यालयात अत्यंत शिस्तीने काम करण्याच्या सूचना दिल्या असतानाही मनमानी कारभार सुरू असल्याचे पाहायला मिळत आहे.