केजरीवाल व सिसोदिया यांना दिलासा; अंशू प्रकाश यांना कोर्टाचा धक्का

नवी दिल्ली : दिल्लीचे माजी मुख्य सचिव अंशू प्रकाश (Anshu Prakash) यांच्या कथित मारहाण प्रकरणी सत्र न्यायालयाने त्यांची याचिका फेटाळली आहे. अंशू प्रकाश यांनी मुख्यमंत्री अरविंद केजरीवाल (Arvind Kejriwal) आणि उपमुख्यमंत्री मनीष सिसोदिया (Manish Sisodia) यांना दोषमुक्त करण्याच्या ट्रायल कोर्टाच्या आदेशाला आव्हान देणारी याचिका विशेष खासदार/आमदार न्यायालयाने फेटाळून लावली आहे. (Consolation to Arvind Kejriwal and Manish Sisodia)

विशेष न्यायाधीश गीतांजली गोयल यांनी माजी मुख्य सचिव अंशू प्रकाश यांची याचिका (petition) फेटाळून लावली. अंशू प्रकाश (Anshu Prakash) यांनी कनिष्ठ न्यायालयाच्या निर्णयाविरोधात अर्ज दाखल केला होता. मात्र, न्यायालयाने त्यांची याचिका फेटाळली (rejected). दिल्लीचे माजी मुख्य सचिव अंशू प्रकाश यांनी या प्रकरणात सर्वांना दोषमुक्त करण्याच्या कनिष्ठ न्यायालयाच्या निर्णयाविरोधात अर्ज दाखल केला होता.

हा फौजदारी खटला १९ फेब्रुवारी २०१८ रोजी केजरीवाल यांच्या अधिकृत निवासस्थानी झालेल्या बैठकीदरम्यान अंशू प्रकाश यांच्यावर झालेल्या कथित हल्ल्याशी संबंधित आहे. या प्रकरणात अनेक राजकारण्यांनाही आरोपी करण्यात आले होते.

न्यायालयाने अरविंद केजरीवाल (Arvind Kejriwal), मनीष सिसोदिया (Manish Sisodia), आमदार राजेश ऋषी, नितीन त्यागी, प्रवीण कुमार, अजय दत्त, संजीव झा, ऋतुराज गोविंद, राजेश गुप्ता, मदन लाल आणि दिनेश मोहनिया यांना या प्रकरणाची पुढील सुनावणीसाठी २३ नोव्हेंबरपर्यंत जवाब नोंदवण्याचे निर्देश दिले आहे.