- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
नवी दिल्ली - जगभरात कोरोना महामारीने थैमान घातले आहे. भारतातही कोरोना बाधितांची संख्या दिवसेंदिवस वाढत आहे. सोमवारी आरोग्य मंत्रालयाने जाहीर केलेल्या आकडेवारीनुसार देशातील कोरोनाग्रस्तांची संख्या 1.45 लाखांच्याही पुढे गेली आहे. तसेच देशात दररोज 6 हजारांपेक्षाही अधिक कोरोना रुग्णांची भर पडत असल्याने चिंता वाढली आहे.
सोमवारी देशातील कोरोना बाधितांचा आकडा 1,45,380 पर्यंत पोहोचला आहे, तर गेल्या चोवीस तासात 6,335 नव्या रुग्णांची यात भर पडली आहे. कोरोनामुळे मृत्यू झालेल्यांची संख्या 4167 झाली असून सोमवारी 146 लोकांनी आपला जीव गमावला आहे. कोरोनाग्रस्तांचा आकडा दिवसेंदिवस वाढत असला तरी यातून बरे होणाऱ्यांची संख्याही वाढत आहे. आतापर्यंत 60,491 रुग्णांनी कोरोनावर मात केली आहे. तसेच रिकव्हरी रेट 41.60 पर्यंत पोहोचला आहे.
महाराष्ट्रातील कोरोना बाधितांची संख्याही लक्षणीयरित्या वाढताना दिसत आहे. महाराष्ट्र देशातील सर्वाधिक कोरोना बाधितांचे राज्य ठरले आहे. सोमवारी राज्यात (Covid-19) कोविड-१९ ने 2,436 रुग्ण सापडले आहेत. त्यामुळे राज्यातील कोरोनाग्रस्तांचा आकडा वाढून 52,667 पर्यंत पोहोचला आहे. गेल्या 24 तासात 60 रुग्णांनी कोरोनामुळे आपला जीव गमावला असून मृत्यूचा आकडा 1695 झाला आहे. राज्यातील कोरोना बाधितांचा वाढता आलेख पाहता महाराष्ट्रातील स्थिती गंभीर होत असल्याचं दिसत आहे.
कोरोना व्हायरसने जगभरात असामान्य आणि अभूतपूर्व अशी परिस्थिती निर्माण केली आहे. जगभरात आतापर्यंत 55 लाख लोकांना कोरोनाची बाधा झाली आहे, तर मृतांचा आकडा 3,47,152 झाला आहे. आर्थिक महासत्ता असलेल्या अमेरिकेमध्ये तर कोरोना महामारीने हाहाकार माजवला आहे. अमेरिकेमध्ये आत्तापर्यंत 18 लाख कोरोनाग्रस्त सापडले आहेत. तर मृतांचा आकडा 1 लाखांच्या पार गेला आहे. त्यामुळे अमेरिका कोरोना महामारीने पूर्णपणे हतबल झाल्याचं दिसत आहे.
दरम्यान, जागतिक आरोग्य संघटनेने(WHO) मलेरियावर प्रभावशाली असलेल्या हायड्रॉक्सीक्लोरोक्वीनचा कोरोनावरील उपचारासाठी होणारा वापर बंद केला आहे. सुरक्षेच्या दृष्टीकोनोतून हायड्रॉक्सीक्लोरोक्वीनचा क्लिनिकल ट्रायल थांववण्याचा निर्णय आरोग्य संघटनेने घेतला आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.