मौल्यवान वस्तूंऐवजी चोरट्यांचा आता कोरोना लसींवर डोळा; हैद्राबादेत 600 डोस चोरीला | Theft | Sakal
sakal

बोलून बातमी शोधा

covid vaccine

मौल्यवान वस्तूंऐवजी चोरट्यांचा आता लसींवर डोळा; हैद्राबादेत 600 डोस चोरीला

हैद्राबाद : आतापर्यंत आपण एखाद्या घटनेत चोरांना इतक्या लाखांचा मुद्देमाल चोरल्याचे किंवा लुटल्याचे वाचले अथवा पाहिले असेल, मात्र आता चोरांनी मौल्यावान वस्तू चोरण्या ऐवजी आता कोरोना लसीकरणासाठी (Covid Vaccination Theft In Hyderabad ) वापरण्यात येणाऱ्या लसींवरच डल्ला मारल्याचा धक्कादायक प्रकार समोर आला आहे. चोरट्यांनी थोड्या थोडक्या नव्हे तर चक्क 550 लसींच्या कुपी चोरून नेल्या आहेत. यामध्ये भारत बायोटेकच्या (Bharat Biotech ) कोव्हॅक्सिनच्या 300 हून अधिक तर, सीरमच्या (Serum Institute Of India) कोविशील्ड लसींच्या साधारण 250 कुपी चोरल्याचे सांगितले जात आहे. ही घटना हैद्राबाद येथे रविवारी रात्रीच्या सुमारास घडली आहे. या गुन्ह्यामागे व्यावसायिक चोरांचा हात असल्याचा पोलिसांना संशय आहे. (Almost 550 Covid 19 Vaccination Stolen At Hyderabad )

हेही वाचा: राजधानी दिल्लीत कोरोनाचा आलेख वाढताच; खासगी कार्यालयात फक्त WFH

याबाबत मिळालेल्या माहितीनुसार, शहरातील जामबाग (Jambagh PHC ) येथे असलेल्या प्राथमिक आरोग्य केंद्र कार्यान्वित आहे. दरम्यान. रविवारी रात्रीच्या सुमारास चोरट्यांनी या पीएचसी (PHC Center Jambagh) केंद्रात घुसून कोव्हॅक्सिन लसींच्या 300 हून अधिक कुपी, तर कोविशील्ड लसींच्या साधारण 250 कुपी चोरून पळ काढला, एवढेच नव्हे तर, चोरट्यांनी या केंद्रातील बीसीजी, डीपीटी आणि ओपीव्ही लसींसह संगणक आणि आवारात उभ्या असलेल्या ऑटोरिक्षांचे टायरही लुटून नेले.

हेही वाचा: कोरोनाची तिसरी लाट; रुग्णालये अद्ययावत ठेवा

सोमवारी सकाळी प्राथमिक आरोग्य केंद्राच्या कर्मचारी (Covid 19 PHC Jambagh) जेव्हा कार्यालयात आले, त्यावेळी हा सर्व प्रकार उघडकीस आला. या घटनेनंतर गुन्हा दाखल (FIR) करण्यात आला असून, आरोपींना पकडण्यासाठी विशेष (Special Force) पथके नेमण्यात आली आहेत, अशी माहिती मिरचौक पोलीस स्टेशनचे निरीक्षक एम अप्पाला नायडू यांनी सांगितले. (M Appala Naidu, Inspector, Mirchowk Police Station)

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top