बंगालच्या उपसागरात उद्भवलेले दिटवाह चक्रीवादळ भारतीय किनाऱ्यावर धडकणार आहे.त्याचा परिणाम २४ तासांपूर्वीच सुरू झाला आहे. तामिळनाडूच्या बऱ्याच भागात मुसळधार पाऊस सुरू आहे. सकाळी ६ वाजता ते चेन्नईपासून सुमारे ३९० किलोमीटर अंतरावर होते, तर पुद्दुचेरी किनाऱ्यापासून त्याचे अंतर सुमारे २९० किलोमीटर होते. हवामान खात्याच्या माहितीनुसार,हे चक्रीवादळ श्रीलंकेपासून वायव्येकडे ताशी ८ किलोमीटर वेगाने सरकत आहे.
