जबरदस्ती धर्मांतरामुळे आत्महत्या करणाऱ्या मुलीचा व्हिडीओ आला समोर

तमिळनाडू येथील तंजावरमध्ये एका मुलीनं जबरदस्तीने धर्मांतर केल्यामुळे विष घेत आत्महत्या केली होती. होती. विष प्यायल्यानंतर १० दिवसांनी उपचारादरम्यान तिचा मृत्यू झाला होता. या घटनेनंतर तामिळनाडूमधील वातावरण चांगलंच खवळलं आहे. आता या प्रकरणात आत्महत्या करणाऱ्या मुलीचा एक व्हिडीओ समोर आलाय. हा व्हिडीओ आत्महत्या करण्यापूर्वीचा आहे. व्हिडीओमुळे या प्रकरणात एक नवीन ट्वीस्ट आले आहे.

या व्हिडिओमध्ये मृत मुलीने वसतिगृहात काम करणाऱ्या वॉर्डनवर आत्महत्या करण्यास भाग पाडल्याचा आरोप केलाय. वॉर्डन वसतिगृहात काम करायला लावायची आणि त्यामुळे तिचा अभ्यास व्हायचा नाही, अशी तक्रार केल्यानेच शाळेने जबरदस्तीने धर्मांतर केल्याचा आरोप केला आहे तर शाळा व्यवस्थापनाने हे सर्व आरोप फेटाळून लावलेत. विद्यार्थ्यांच्या कोणत्याही धार्मिक श्रद्धांमध्ये कधीही हस्तक्षेप केला नसल्याचे स्पष्ट केले आहेत.

दरम्यान, मद्रास उच्च न्यायालयाच्या मदुराई खंडपीठाने या व्हिडीओचे चित्रीकरण करणाऱ्या व्यक्तीला चौकशीसाठी हजर राहण्याचे आणि व्हिडीओचे चित्रीकरणासाठी वापरलेला फोन जमा करण्याचे आदेश दिले.