मोफत रेशन योजनेला पुढील सहा महिन्यांसाठी मुदतवाढ : केजरीवाल

Arvind Kejriwal
Arvind Kejriwal esakal
Updated on
Summary

आम आदमी पक्षानं (आप सरकार) आपल्या मोफत रेशन योजनेला पुढील सहा महिन्यांसाठी मुदतवाढ देण्याची घोषणा केलीय.

Free Ration Scheme : दिल्लीकरांसाठी एक आनंदाची बातमी आहे. आम आदमी पक्षानं (आप सरकार) आपल्या मोफत रेशन योजनेला पुढील सहा महिन्यांसाठी मुदतवाढ देण्याची घोषणा केलीय. प्रधानमंत्री गरीब कल्याण अन्न योजनेंतर्गत (PMGKAY) मोफत रेशनचे वितरण 30 नोव्हेंबरच्या पुढे वाढवण्यास केंद्रानं नकार दिल्यानंतर, केजरीवाल सरकारनं हा निर्णय घेतलाय. दिल्लीचे मुख्यमंत्री अरविंद केजरीवाल यांनी शनिवारी ट्विट करून ही माहिती दिली.

केजरीवाल यांनी आज ट्विट करून म्हटलंय, की महागाई खूप वाढलीय. सर्वसामान्यांना दोन वेळची भाकरी मिळणं कठीण झालंय. कोरोनामुळं अनेक लोक बेरोजगार झाले आहेत. त्यामुळं दिल्ली सरकार मोफत रेशन योजनेला सहा महिन्यांसाठी मुदतवाढ देत आहे, असं त्यांनी नमूद केलंय. दिल्लीत 2000 हून अधिक रेशन दुकानं आहेत. दिल्लीत 17.77 लाख कार्डधारक असून सुमारे 72.78 लाख लाभार्थी आहेत. दिल्ली सरकार राष्ट्रीय अन्न सुरक्षा कायदा (NFSA) 2013 आणि प्रधानमंत्री गरीब कल्याण अन्न योजना (PMGKAY) अंतर्गत इलेक्ट्रॉनिक पॉइंट ऑफ सेल उपकरणांद्वारे लाभार्थ्यांना मोफत रेशनचं वितरण करते. सरकारनं या वर्षी जुलैपासून वन नेशन वन रेशन कार्ड (ONORC) योजनेअंतर्गत रेशनचं वितरण सुरू केलंय.

Arvind Kejriwal
खुशखबर! यूपी सरकार देणार 22 हजारांहून अधिक सरकारी नोकऱ्या

Free Ration Scheme 30 नोव्हेंबरपर्यंत वाढवण्याचा कोणताही प्रस्ताव नाही : सचिव पांडे

महत्त्वाचं म्हणजे, प्रधानमंत्री गरीब कल्याण अन्न योजना (PMGKAY) अंतर्गत मोफत रेशनचं वितरण 30 नोव्हेंबरच्या पुढे वाढवण्याचा केंद्र सरकारचा कोणताही प्रस्ताव नाही. केंद्रीय अन्न सचिव सुधांशू पांडे यांनी शुक्रवारी सांगितलं, की OMSS धोरणांतर्गत अर्थव्यवस्थेतील सुधारणा आणि खुल्या बाजारात अन्नधान्याची चांगली विक्री लक्षात घेता, PMGKAY द्वारे मोफत रेशन वितरणाचा कालावधी नोव्हेंबरच्या पुढे वाढवण्याचा कोणताही प्रस्ताव नाही, असं ते म्हणाले. कोविड-19 मुळं उद्भवलेल्या संकटाचा सामना करण्यासाठी मार्च 2020 मध्ये PMGKAY ची घोषणा करण्यात आली. सुरुवातीला, ही योजना एप्रिल-जून 2020 या तीन महिन्यांच्या कालावधीसाठी सुरू करण्यात आली होती, परंतु नंतर संकट कायम राहिल्यानं ती आणखी पाच महिन्यांसाठी (जुलै-नोव्हेंबर 2020) वाढवण्यात आली होती.

Arvind Kejriwal
करात कपात करुन देखील भारतातील लोक पेट्रोल भरायला जाताहेत नेपाळला

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com