स्वतःच्या मुलीचा छळ केल्याचा काँग्रेस नेत्यावर आरोप, महिला आयोगाने केली पीडितेची सुटका

नवी दिल्ली- तत्कालीन शीला दीक्षित सरकारमधील काँग्रेसचे मंत्री राजकुमार चौहान यांच्या पश्चिम विहार येथील निवासस्थानातून त्यांच्या मुलीला दिल्ली महिला आयोगाने मुक्त केले आहे. चौहान हे चार वेळा आमदार राहिलेले आहेत. शीला दीक्षित सरकारमध्ये ते मंत्रीही होते. पीडित मुलीने महिला आयोगाला पत्र लिहून आपल्याला मुक्त करा अशी मागणी केली होती. 

महिला आयोगाने सांगितले की, पीडिती महिलेला चौहान यांच्या घरात कैद करण्यात आले होते. तिला तिचे वडील आणि भाऊ बेदम मारहाण करत असत. पीडितेने महिला आयोगाकडे तक्रार केल्यानंतर त्वरीत आयोगाचे सदस्य पोलिसांसह दिलेल्या पत्त्यावर पोहोचले. त्यावेळी पीडित महिलेने तिचे 1999 मध्ये विवाह झाल्याचे सांगितले. पतीबरोबर तक्रार झाल्यानंतर गेल्या 10 वर्षांपासून पीडिता आपल्या माहेरी राहत असत. पीडित महिलेला दोन मुली आहेत. 

हेही वाचा- VIDEO : पॉपकॉर्न खा, कोरोनाविरोधात इम्यूनिटी वाढवा; पाकिस्तानी डॉक्टरचा अजब दावा

घटस्फोटाचा अर्ज प्रलंबित
पीडित महिलेचा चंदीगड न्यायालयात घटस्फोटाचा अर्ज प्रलंबित आहे. आपल्या वडिलांना वाद संपुष्टात येऊ नये असे वाटत होते. त्याच कालावधीत त्यांच्या पतीने दुसरे लग्न केले, असा आरोप महिलेने केला. महिला आयोगाने पीडित महिलेला तेथून मुक्त करुन पोलिस ठाण्यात नेले. याप्रकरणी पोलिसांत तक्राकर दाखल करण्यात आली आहे. आयोगाने पोलिसांना नोटीस जारी करुन एफआयआर का दाखल केला नाही, असा सवाल केला आहे. 

हेही वाचा- Look Back 2020: जगातील 10 सर्वात श्रीमंत व्यक्ती; एकाही भारतीयाला नाही स्थान

माजी आमदार चौहान यांनी मात्र सर्व आरोप फेटाळले आहेत. पोलिसांनी दिलेल्या माहितीनुसार, आयोगाने सोमवारी पीसीआर कॉल आला होता. त्यात त्यांना घरगुती हिंसाचार प्रकरणात मदत मागण्यात आली होती. त्यानंतर आयोग आणि पोलिसांचे एका पथकाने तक्रारकर्त्याची भेट घेतली. पीडित महिला आपल्या दोन मुलींसह चौहान यांच्या निवासस्थानातील एका मजल्यावर राहते.