Money Laundering : जम्मू-काश्मीरचे माजी मुख्यमंत्री फारुख अब्दुल्लांविरोधात आरोपपत्र दाखल | Sakal
sakal

बोलून बातमी शोधा

Farooq Abdullah

Money Laundering : जम्मू-काश्मीरचे माजी मुख्यमंत्री फारुख अब्दुल्लांविरोधात आरोपपत्र दाखल

Farooq Abdullah Money Laundering Case : मनी लाँड्रिंग प्रकरणी जम्मू-काश्मीरचे माजी मुख्यमंत्री फारुख अब्दुल्ला यांच्याविरोधात आरोपपत्र दाखल करण्यात आले आहे. जम्मू-काश्मीर क्रिकेट असोसिएशनच्या निधीच्या घोटाळ्याशी संबंधित प्रकरणात हे आरोपपत्र दाखल करण्यात आले आहे. या प्रकरणी 84 वर्षीय फारुख अब्दुल्ला यांची ईडीने 31 मे रोजी श्रीनगरमध्ये तीन तासांपेक्षा जास्त वेळ चौकशी केली होती.

फारुख अब्दुल्ला यांच्यासह अहसान अहमद मिर्झा, मीर मंजूर गझनफर आणि इतरांची नावेही आरोपपत्रात समाविष्ट करण्यात आली असून, पीएमएलए कोर्टाने सर्व आरोपींना पीएमएलएच्या विशेष कोर्टात हजर राहण्यासाठी नोटीस बजावली आहे. सर्व आरोपींना 27 ऑगस्टला हजर राहण्यास सांगितले आहे.

हे प्रकरण J&K क्रिकेट असोसिएशनचे पैसे JKCA च्या पदाधिकाऱ्यांसह असंबंधित पक्षांच्या विविध वैयक्तिक बँक खात्यांमध्ये हस्तांतरित करणे आणि JKCA बँक खात्यांमधून रोख पैसे काढण्याशी संबंधित आहे. आतापर्यंत या प्रकरणी फारुख अब्दुल्ला यांची 21.50 कोटी रुपयांची संपत्ती ईडीने यापूर्वीच जप्त केली आहे. सीबीआयने 11.07.2018 रोजी दाखल केलेल्या आरोपपत्राच्या आधारे ईडीने JKCA च्या पदाधिकाऱ्यांविरुद्ध मनी लाँड्रिंगची चौकशी सुरू केली होती.

Web Title: Farooq Abdullah Chargesheeted In Money Laundering Case

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..