बिहारमध्ये रेल्वे इंजिनला अचानक आग, सर्व प्रवासी सुरक्षित

बिहारमध्ये (Bihar) मोठी जीवितहानी टळली आहे. डीएमयू रेल्वेच्या इंजिनला आग लागली आहे. ही दुर्घटना आज रविवारी (ता.तीन) भेलवा रेल्वे स्थानकाजवळ पहाटे घडली आहे. ही रेल्वे रक्सोलहून नारकटियागंजला जात होती. आगीचे कारण अद्याप निश्चित झालेले नाही. (Fire Broke Out In The Engine Of DMU Train Near Bhelwa Railway Station Of Bihar)

सर्व रेल्वेप्रवासी सुरक्षित आहेत. इंजिनला लागलेले आगी इतरत्र पसरलेली नाही. आग आटोक्यात आणण्याचा प्रयत्न अग्निशमन दलाकडून सुरु असल्याचे सांगितले जात आहे. रेल्वे इंजिनला अचानक आग लागली? याचे कारण अद्यापही स्पष्ट झालेले नाही. सर्व प्रवासी सुरक्षित असल्याने रेल्वे प्रशासनाने सुटकेचा निःश्वास सोडला आहे.