भाजप धादांत खोटे बोलतं, व्हिपवरुन राष्ट्रवादीचं टीकास्त्र

मुंबई : विधानसभा अध्यक्षपदासाठी आज रविवारी (ता.तीन) निवडणूक होत आहे. विधानसभेचे दोन दिवसांचे विशेष अधिवेशन बोलवण्यात आले आहे. आज विधानसभा अध्यक्षांची निवडणूक होत आहे. दुसऱ्या दिवशी म्हणजे सोमवारी (ता.चार) विधानसभेत विश्वासदर्शक ठराव मांडला जाणार आहे. दुसरीकडे आज होत असलेल्या अध्यक्षपदाच्या निवडणुकीसाठी सर्व राजकीय पक्षांकडून आपापल्या उमेदवारांना व्हिप बजावला आहे. (Maharashtra Politics BJP Speaks Lie, Nationalist Congress Party Allegation)

राष्ट्रवादी काँग्रेस पक्षाचे (NCP) मुख्य प्रतोद अनिल पाटील (Anil Patil) म्हणाले, की विधानसभा निवडणुकीसाठी व्हीप लागू होतो. व्हीप लागत नाही हे भारतीय जनता पक्ष धादांत खोटे बोलत असल्याचा आरोप पाटील यांनी केला आहे. भाजपला (BJP) माहीत आहे काय होऊ शकते असा इशारा त्यांनी दिला. पक्षांनी व्हीप काढला आहे. पक्षाविरोधात मतदान झाले तर कारवाई होईल असे अनिल पाटील म्हणाले.