Yamuna Express Way Accident | यमुना एक्सप्रेसवेवर अपघात, पुण्यातील पाचजण जागीच ठार, २ गंभीर | Sakal
sakal

बोलून बातमी शोधा

Accident

यमुना एक्सप्रेसवेवर अपघात, पुण्यातील पाचजण जागीच ठार, २ गंभीर

उत्तर प्रदेशातील यमुना एक्स्प्रेसवेवर गुरुवारी पहाटे झालेल्या अपघातात चार महिलांसह एकूण पाच जणांचा जागीच मृत्यू झाला. हा अपघात पहाटे 5 वाजता जेवार टोल प्लाझाच्या अलिकडे 40 किमीच्या परिघात झाल्याची माहिती पोलिसांनी दिली. अपघाताची माहिती मिळताच महामार्गावरील काहींनी त्यांना जवळच्या रुग्णालयात दाखल केलं. (Punekars Died on Yamuna Expressway) ट्रक आणि बोलेरो गाडीची भीषण धडक झाल्यानंतर ही दुर्घटना घडलीय.

तत्काळ पोलिसांनाही पाचारण करण्यात आलं. मात्र, रुग्णालयात नेल्यानंतर यातील पाच जणांना मृत घोषित करण्यात आलं. सध्या अन्य दोघांवर कैलास रुग्णालयात उपचार सुरू असून त्यांची प्रकृती गंभीर आहे. (Yamuna ExpressWay Accident)

हेही वाचा: मुंबई-पुणे एक्सप्रेस वे वर गॅस टँकर उलटला, तिघांचा मृत्यू

सर्व दुर्घटनाग्रस्त व्यक्ती बारामतीच्या असल्याची प्राथमिक माहिती मिळत आहे. त्यातील बहुतेक साठीच्या वयातील आहेत. वाहन चालकाला झोप लागल्याने अपघात झाल्याचा संशय पोलिसांनी व्यक्त केला आहे. चारचाकी ज्या ट्रकला धडकली तो पोलिसांनी जप्त केला आहे. (Yamuna Express way accident)

चंद्रकांत बुराडे (६८), स्वर्णा बुराडे (५९), मालन कुंभार (६८), रंजना पवार (६०) आणि नुवंजन मुजावर (५३, कर्नाटक) अशी मृतांची नावे असून अन्य दोन व्यक्ती अत्यवस्थ आहेत.

या अपघाताबाबत अद्याप कोणतीही तक्रार दाखल झालेली नाही. मृतदेह रुग्णालयात पोहोचल्यानंतर थोड्याच वेळात कुटुंबीयांकडे सोपवण्यात येणार आहेत.

Web Title: Five Punekar Died In Accident On Yamuna Express Way

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top