मुंबई-पुणे एक्सप्रेस वे वर गॅस टँकर उलटला, तिघांचा मृत्यू | Sakal
sakal

बोलून बातमी शोधा

ExpressWay Accident

मुंबई-पुणे एक्सप्रेस वे वर गॅस टँकर उलटला, तिघांचा मृत्यू

पुणे : पुणे-मुंबई द्रुतगती महामार्गावर गॅसचा टँकर पलटी झाला आहे. खोपोली एक्झिटजवळ हा अपघात झाला असून, यामुळे मुंबई आणि पुणे द्रुतगती महामार्गावरील वाहतूक मंदावली आहे. पुण्याहून मुंबईकडे हा टँकर जात होता. त्यावेळी खोपोली एक्झिटजवळ हा टँकर उलटला. दरम्यान, घटनेत तीन जणांचा मृत्यू झाला आहे. घटनेनंतर बोरघाट पोलीस यंत्रणा, IRB पेट्रोलिंग, देवदूत यंत्रणा, लोकमान्य हॉस्पिटल, डेल्टा फोर्स, महाराष्ट्र सुरक्षा बल आदींनी घटनास्थळी धावा घेत मदतकार्य युद्धपातळीवर सुरु केले आहे. (Road Accident On Pune Mumbai ExpressWay Near Khopoli Exit)

हेही वाचा: सोमय्या सहकुटुंब पोलीस ठाण्यात दाखल, राऊतांविरोधात तक्रार

अपघातग्रस्त टँकर पुण्याहून मुंबईकडे निघाला होता. टँकर खोपोली एक्झिटजवळ असताना टँकर चालकाचे गाडीवरील नियंत्रण सुटल्याने टँकर पलटी झाला आणि पुणे लेनवर आला. दरम्यान, अपघातानंतर टँकरला तीन गाड्या पाठोपाठ धडकल्या यामध्ये तीन जणांचा मृत्यू झाला. अपघातानंतर दोन्ही मार्गांवरील वाहतूक मंदावली आहे. घटनेनंतर खोपोली पोलीस स्टेशनचे पोलीस निरीक्षक शिरीष पवार यांच्या मार्गदर्शनाखाली मदतकार्य युद्धपातळीवर सुरू करण्यात आले आहे. सुदैवाने अपघातानंतर टँकरमधून गॅस गळती झालेली नाही. त्यामुळे मोठा अनर्थ टळला आहे.

Web Title: Gas Tanker Accident On Mumbai Pune Expressway Traffic Affected

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top