माथेफिरु आशिकची तरुणीकडे लग्नाची मागणी; अंगावर फुले उधळत म्हणाला, धर्म बदलून लग्न कर

मध्य प्रदेशातील खंडवा येथील नर्सिंगचे शिक्षण घेणाऱ्या एका विद्यार्थिनीचा विनयभंग झाल्याची घटना समोर आली आहे. एका माथेफिरु तरुणाने तिचा पाठलाग केला आणि तिला वाटतेच आडवले आहे. या तरुणाने तिच्या डोक्यावर फुले टाकत तुझा धर्म बदलून तु माझ्याशी लग्न कर अशी मागणी घातली. दरम्यान, या घटनेनंतर त्या तरुणीनी आरडाओरडा करताच तरुणाने तेथून पळून काढला. घटनेतील विद्यार्थीनीने हिंदू संघटनेच्या कार्यकर्त्यांसह पोलिस स्टेशनमध्ये आरोपीच्या विरोधात तक्रार दाखल केली असून त्याच्यावर गुन्हा दाखल केला.

पीडित विद्यार्थिनीने दिलेल्या माहितीनुसार, आरोपी जंबाज उर्फ ​​मोनू मन्सूरी हा तिच्या गावातील रहिवासी आहे. जो सतत तिचा पाठलाग करतो आणि माझ्याशी लग्न कर अशी मागणी घालतो. मागील अनेक दिवसांपासून हे सुरु आहे. आजही त्याने अशीच धर्म बदलून लग्न करण्याची मागणी घातली. मात्र तिने परिस्थितीचे अवधान राखत आरडोओरडा केला त्यानंतर तो तेथून पळून गेला. आरोपी मोनू मन्सूरीने तिचा मोबाईल नंबर कोणाकडून तरी घेतला आणि तिला व्हॉट्सअॅपवर मेसेज करून धमक्या दिल्या आहेत. माझ्याशी लग्न केले नाहीतर ठार मारणार अशी धमकीही माथेफिरु तरुणाने दिली आहे. तसेच अॅसिड फेकण्याची धमकी दिली आहे, असे आरोप विद्यार्थिनीने केले आहेत.

याप्रकरणी पीडितेच्या तक्रारीवरून खंडवा येथील पोलिस ठाण्यात गुन्हा दाखल करण्यात आला आहे. खंडवा सीएसपी पूनमचंद यादव यांनी सांगितले की, एका तरुणीने पोलिस ठाण्यात लेखी तक्रार दाखल केली आहे की, आशापूर येथील रहिवासी मोनू मन्सूरी रोज तिचा पाठलाग करतो. विद्यार्थिनी नर्सिंग कॉलेजमध्ये शिकत असल्याने ती दररोज खांडव्याला येते.

विद्यार्थिनीने आपल्या तक्रारीत सांगितले की, त्याने आज एसएन कॉलेजसमोर तिचा विनयभंग केला आणि तिला धर्म बदलून लग्न करण्यासाठी जबरदस्तीने मागणी घातली. असे केले नाही तर जीव घेईन आणि अॅसिड फेकेन अशा धमक्या दिल्या आहेत. याप्रकरणी गुन्हा दाखल केला असून, आरोपीला ताब्यात घेण्यात आले आहे.