तेजपाल विरोधात बलात्कार प्रकरणाचा निकाल 19 मे रोजी | Sakal
sakal

बोलून बातमी शोधा

तेजपाल विरोधात बलात्कार प्रकरणाचा निकाल 19 मे रोजी

तेजपालवर सहकारी तरुणीचे लैंगिक शोषण केल्याचा आरोप होता. गोव्यात 2013 मध्ये बांबोळी इथल्या एका हॉटेलमध्ये थिंक फेस्टिव्हलचं आयोजन करण्यात आलं होतं. त्यावेळी हे प्रकरणं बरंच गाजलं होतं.

तेजपाल विरोधात बलात्कार प्रकरणाचा निकाल 19 मे रोजी

म्हापसा - तेहलकाचे (tehlka) माजी संपादक तरुण तेजपाल (Tarun Tejpal) याच्या विरोधातील बलात्कार प्रकरणाची सुनावणी आता बुधवार 19 मे रोजी सकाळी साडेदहा वाजे पर्यंत स्थगित करण्यात आली आहे. न्यायालयात कर्मचाऱ्यांची संख्या कमी असल्याचं कारण सांगत सुनावणी सात दिवसानंतर होईल असे म्हापसा (Mhapsa) येथील जिल्हा न्यायालयाच्या न्यायाधीश शमा जोशी (Justice Shama Joshi) यांनी स्पष्ट केले. तेजपाल प्रकरणी आज अंतिम निर्णय येईल अशी अपेक्षा करण्यात येत होते. तेजपाल विरोधात म्हापसा न्यायालयातील युक्तिवाद पूर्ण झाल्यानंतर 27 एप्रिलला निकाल दिला जाणार होता. मात्र तेव्हाही सुनावणीला स्थगिती दिली होती.

तेजपाल याच्या विरोधात भारतीय दंड संहितेच्या 376 (बलात्कार) 341, 342, 354अ व 354ब या कलमांतर्गत गुन्हा दाखल करण्यात आला होता. तेजपालवर सहकारी तरुणीचे लैंगिक शोषण केल्याचा आरोप होता. गोव्यात 2013 मध्ये बांबोळी इथल्या एका हॉटेलमध्ये थिंक फेस्टिव्हलचं आयोजन करण्यात आलं होतं. त्यावेळी हे प्रकरणं बरंच गाजलं होतं. तेजपाल हा तेव्हापासून सशर्त जामिनावर होता.

हेही वाचा: आधीच कोरोना त्यात Mucormycosis चं भय; राज्यात दोन हजारांपेक्षा जास्त रुग्ण

तेजपालविरोधात पोलिस ठाण्यात संवेदनशील आणि गंभीर अशा स्वरुपाचा गुन्हा दाखल झाला आहे. एका महिला सहकाऱ्यावर लैंगिक अत्याचार केल्याची तक्रार पोलिसात करण्यात आली होती. त्यानंतर या प्रकरणाचा तपास क्राइम ब्रँचकडे सोपवला होता. क्राइम ब्रँचच्या तत्कालीन निरीक्षक आणि सध्याच्या पोलिस उपअधीक्षक सुनिता सावंत यांनी प्रकरणाचा तपास करून तेजपाल यांच्याविरोधात आरोपपत्र सादर केलं होतं. या खटल्याची सुनावणी इन कॅमेरा घेतली होती. या खटल्याची सुनावणी लवकर करावी असा आदेशही सर्वोच्च न्यायालयाने दिला होता.

हेही वाचा: दुसऱ्या लाटेत तरुणांना कोरोना का झाला? ICMRनं सांगितलं कारण

बलात्काराची तक्रार पोलिसात केल्यानंतर संशयिताला अटकही झाली होती. त्यानंतर सहा महिने त्याची रवानगी कोठडीत करण्यात आली होती. या प्रकरणी 80 हून अधिक जणांच्या साक्षी नोंदवल्या होत्या. खटल्याची सुनावणी प्राधान्याने केल्यानंतर सर्वोच्च न्यायालयाने संशयिताला सशर्त जामिन देण्यास मंजुरी दिली होती.

Web Title: Goa Court Pronounce Verdict Tarun Tejpal Case On May

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Goa
go to top