गोव्यात राजकीय भूकंप होताच विधानसभा अध्यक्षांचं मोठं वक्तव्य; तवडकर म्हणाले, आता विरोधी पक्ष नेताच.. | Sakal
sakal

बोलून बातमी शोधा

Goa Political Crisis

गोव्यात काँग्रेसच्या 11 पैकी 8 आमदारांनी आज भाजपमध्ये प्रवेश केलाय.

गोव्यात राजकीय भूकंप होताच विधानसभा अध्यक्षांचं मोठं वक्तव्य; तवडकर म्हणाले, आता विरोधी पक्ष नेताच..

Goa Political Crisis : सध्या राहुल गांधींच्या (Rahul Gandhi) नेतृत्त्वात काँग्रेसची (Congress) 'भारत जोडो यात्रा' सुरु असतानाच गोव्यात (Goa Politics) मात्र भाजपनं (BJP) काँग्रेसला जबर धक्का दिलाय. गोव्यात काँग्रेसला खिंडार पाडण्यात भाजपला यश आलंय. काँग्रेसच्या 11 पैकी 8 आमदारांनी आज भाजपमध्ये प्रवेश केलाय. त्यामुळं गोवा विधानसभेत काँग्रेसचं संख्याबळ पाहता आता विरोधी पक्ष नेताच असणार नाहीय, अशी माहिती विधानसभा अध्यक्ष रमेश तवडकर (Goa Assembly Speaker Ramesh Tawadkar) यांनी एका वृत्तवाहिनीशी बोलताना दिली.

रमेश तवडकर म्हणाले, काँग्रेसच्या 11 पैकी 8 आमदारांनी आज भाजपमध्ये प्रवेश केला, त्यामुळं विधानसभेतलं त्यांचं संख्याबळ पाहता आता विरोधी पक्ष नेताच नसणार आहे. सध्या काँग्रेसकडं पुरेसं संख्याबळ नसल्यामुळं यापुढं त्यांचा विरोधी पक्ष नेता असणार नाहीय. मात्र, याबाबत कायदेशीरबाबींचा अभ्यास केला जाणार असल्याचं स्पष्ट मत तवडकर यांनी व्यक्त केलं.

हेही वाचा: मी मोदींच्या धोरणांवर टीका करतो, राहुल गांधींप्रमाणं कोणाला शिव्या देत नाही : गुलाम नबी आझाद

तवडकर म्हणाले, येत्या डिसेंबर महिन्यात गोवा विधानसभेचं अधिवेशन होणार असून मंत्रिमंडळ विस्ताराबाबत गोव्याचे मुख्यमंत्री प्रमोद सावंत (Goa CM Pramod Sawant) अंतिम निर्णय घेतील, अशी माहिती त्यांनी यावेळी दिली. भाजपचे गोवा प्रदेशाध्यक्ष सदानंद तानावडे यांनी सकाळी केलेल्या ट्वीटमध्ये केलेल्या दाव्यानंतर गोव्याच्या राजकीय वर्तुळात एकच खळबळ माजली होती. विरोधी पक्षनेते मायकल लोबो आणि दिगंबर कामत यांच्यासह काँग्रेसचे आठ आमदार आज भाजपमध्ये प्रवेश करणार असल्याचा दावा सदानंद तावडेंनी ट्वीटमध्ये केला होता. त्यानंतर गोव्यात काँग्रेसला मोठा हादरा बसणार हे जवळपास निश्चितच झालं होतं. त्यानुसार, आठ आमदारांनी गोव्याचे मुख्यमंत्री प्रमोद सावंत यांच्या उपस्थितीत आज भाजपमध्ये प्रवेश केलाय.

हेही वाचा: Nana Patole : सांगलीत चार साधूंना बेदम मारहाण; पटोले म्हणाले, आता 'हे' कोणाला तोंड दाखवतील

Web Title: Goa Political Crisis Congress Will Not Have Opposition Leader In Goa Assembly Speaker Ramesh Tawadkar

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..