Crime News : प्रजासत्ताक दिनी धक्कादायक घटना! हेड कॉन्स्टेबलने पोलीस स्टेशनमध्येच झाडली स्वत:वर गोळी

नवी दिल्ली : आज संपूर्ण देश प्रजासत्ताक दिन साजरा करत आहे. मात्र दिल्लीत धक्कादायक घटना घडली आहे. दिल्ली पोलिस हेड कॉन्स्टेबल देवेंद्र कुमार यांनी पहाड गंज पोलिस स्टेशनच्या बॅरेक क्रमांक ३ मध्ये स्वतःवर गोळी झाडून आत्महत्या केली. त्यांच्याकडून सुसाईड नोट जप्त करण्यात आली आहे. दिल्ली पोलिसांनी याबाबत माहिती दिली. 

माहिती मिळताच पोलीस ठाण्याने मृतदेह ताब्यात घेऊन पोस्टमॉर्टमसाठी पाठवला आहे. पोलीस या प्रकरणाचा तपास करत आहेत.दिल्ली पोलिसांनी दिलेल्या माहितीनुसार, आत्महत्या केलेल्या हेड कॉन्स्टेबलचे नाव देवेंद्र कुमार असे आहे. घटनेची माहिती मिळताच त्यांच्या नातेवाईकांना कळवण्यात आले आहे.

हेही वाचा - ....इथं तयार होतो आपला लाडका तिरंगा

आज दुपारी मृतदेहाचे शवविच्छेदन करण्यात येणार आहे. पोलीस अधिकाऱ्यांनी दिलेल्या माहितीनुसार, हेड कॉन्स्टेबलने आत्महत्या का केली हे अद्याप स्पष्ट झालेले नाही. सध्या बॅरेकमध्ये सापडलेल्या सुसाईड नोटचा तपास सुरू आहे.