सबस्क्राईब करा
गेल्या काही दिवसांमध्ये भीषण अपघाताच्या घटनांमध्ये मोठ्या प्रमाणावर वाढ झाल्याचे दिसून येते आहे. अशातच झाशी येथे भीषण अपघाताची घटना घडली आहे. अशातच उत्तर प्रदेशातील झाशी येथे भीषण अपघात झाला आहे. झाशी-कानपूर महामार्गावर डीसीएम आणि कार यांच्यात भीषण धडक झाली. काही वेळातच दोन्ही वाहनांनी पेट घेतला आणि कारमधील वरासह चार जणांचा होरपळून मृत्यू झाला आहे.
दोन जणांना वाचवण्यात यश आले आहे. दोघेही जखमी असून त्यांना उपचारासाठी रुग्णालयात दाखल करण्यात आले आहे. पोलिसांनी दिलेल्या माहितीनुसार, या घटनेत वर, वराचा भाऊ, वराचा पुतण्या आणि कार चालक यांचा होरपळून मृत्यू झाला आहे.
झाशी जिल्ह्यातील एरिच पोलीस स्टेशन हद्दीतील बिलती गावात राहणाऱ्या आकाशचे १० मे रोजी लग्न झाले होते. बडा गाव पोलीस ठाण्याच्या हद्दीतील छपर गावात आपल्या लग्नाची वरात घेऊन ते जात होते. आकाश त्याचा भाऊ आशिष, 7 वर्षांचा पुतण्या ऐशू आणि दोन नातेवाईक कारमध्ये होते. चालक भगत गाडी चालवत होता. गावातून बाहेर पडल्यानंतर बडा गाव पोलीस ठाण्याच्या हद्दीतील कानपूर हायवेवरील परिचा ओव्हर ब्रिजजवळ आले असता त्यांना मागून येणाऱ्या डीसीएम वाहनाने धडक दिली. या भीषण अपघातात त्यामुळे कार आणि डीसीएम वाहनाला आग लागली.
आगीचे लोळ पाहून गाडीतील सर्वजण आरडाओरडा करू लागले. डीसीएम चालकाने घटनास्थळावरून पळ काढला. हा अपघात पाहून वाटसरूंनी पोलीस स्टेशनला आणि अग्निशमन दलाला घटनेची माहिती दिली.
दरम्यान, पाठीमागून इतर नातेवाईकांची कार येत होती, त्यांनी कार थांबवली आणि अपघात झालेल्या कारची काच फोडून दोघांना वाचवून त्यांना उपचारासाठी वैद्यकीय महाविद्यालयात पाठवले, तर वर आकाश, भाऊ आशिष, भाचा ऐशू आणि चालक भगत यांचा होरपळून मृत्यू झाला आहे. अग्निशमन दलाने घटनास्थळी पोहोचून आग विझवली. आग विझवल्यानंतर पोलिसांनी कारमध्ये अडकलेले मृतदेह बाहेर काढून ताब्यात घेतले.
घटनास्थळी पोहोचलेले शहर पोलीस अधीक्षक ज्ञानेंद्र कुमार यांनी सांगितले की, कारमध्ये 6 जण बसले होते. त्यात वर, त्यांचा भाऊ व त्याचा पुतण्या व नातेवाईक बसले होते. परिचा ओव्हर ब्रिजवर डीसीएम आणि कारचा अपघात झाला. यामध्ये वरासह एकूण ४ जणांचा होरपळून मृत्यू झाला. चार मृतदेह ताब्यात घेऊन शवविच्छेदनासाठी पाठवण्यात आले आहेत. या घटनेमुळे आंनदी कुटुंबांवर शोककळा पसरली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.