"हेलिकॉप्टर अपघातातून बचावलेले ग्रुप कॅप्टन वरुण सिंह यांची प्रकृती गंभीर"

नवी दिल्ली : सीडीएस हरिश रावत यांच्यासोबत हेलिकॉप्टरमधून जात असताना झालेल्या अपघातात १३ जणांचा मृत्यू झाला होता. यामध्ये ग्रुप कॅप्टन वरुण सिंह हे एकमेव बचावलेली व्यक्ती आहेत. त्यांच्यावर सध्या वेलिंग्टन येथील मिलिटरी हॉस्पिटलमध्ये उपचार सुरु आहेत. त्यांच्या प्रकृतीबाबत संरक्षणमंत्री राजनाथ सिंह यांनी लोकसभेत माहिती दिली.

राजनाथ म्हणाले, "हेलिकॉप्टर अपघातातून बचावलेले ग्रुप कॅप्टन वरुण सिंह यांच्यावर सध्या वेलिंग्टन येथील मिलिटरी हॉस्पिटलमध्ये उपचार सुरु असून ते व्हेंटिलेटरवर आहेत. त्यांची जीव वाचवण्यासाठी सर्व प्रकारचे प्रयत्न केले जात आहेत."

दरम्यान, ग्रुप कॅप्टन वरुण सिंह हे अपघातातून बचावले असले तरी ते ४५ टक्के भाजले आहेत. त्यामुळे त्यांची प्रकृती गंभीर असली तरी प्रकृती स्थिर आहे. त्यांना वेलिंग्टन येथील मिलिटरी हॉस्पिटलमधून बंगळुरुच्या एअरफोर्स कमांड हॉस्पिटलमध्ये शिफ्ट करण्याच्या सूचना देण्यात आल्या आहेत, असंही राजनाथ सिंह यांनी लोकसभेत बोलताना सांगितलं.

वरुण सिंह यांना मिळालेले पुरस्कार

लाईट कॉम्बॅक्ट एअरक्राफ्ट स्क्वाड्रनचे पायलट असलेले विंग कमांडर वरुण सिंह यांना या वर्षी १५ ऑगस्ट रोजी शौर्य चक्रने सन्मानित करण्यात आलं होतं.