मोदींविरोधात किती नोटीशी पाठवल्या? निवडणूक आयोगावर भडकल्या ममता बॅनर्जी

कोलकाता : पश्चिम बंगालमध्ये सध्या विधानसभेच्या निवडणुका सुरु आहेत. त्यामुळे राज्यातील राजकारण भलतंच तापलेलं दिसून येत आहे. पश्चिम बंगालच्या मुख्यमंत्री ममता बॅनर्जी यांनी भारताचे पंतप्रधान नरेंद्र मोदी यांच्यावर हल्लाबोल केला आहे. मुस्लिम मतदारांना एकजूट होण्याच्या आवाहनावर ममता बॅनर्जींना निवडणूक आयोगातर्फे नोटीस पाठवण्यात आली होती. त्यांना दामजूरमध्ये निवडणुकीच्या प्रचार सभेदरम्यान संबोधित करताना निवडणूक आयोगावरच ताशेरे ओढले आहेत. त्यांनी विचारलंय की, आतापर्यंत नरेंद्र मोदींच्या विरोधात आयोगाने किती तक्रारी नोंद केल्या आहेत?

- राज्यभरातील आणखी बातम्या वाचण्यासाठी येथे ► क्लिक करा

ममता बॅनर्जींचा हल्लाबोल
दामजूरमधील प्रचारसभेला संबोधित करताना ममता बॅनर्जी यांनी म्हटलंय की, माझ्या विरोधात 10 'कारणे दाखवा' नोटीस दिल्या गेल्या तरी त्यातली एकसुद्धा अर्थपूर्ण नसणारे. मी प्रत्येकाला एकजूट होऊन मतदान करण्यासाठी सांगत आहे, ना की मी कुणामध्ये फूट पाडत आहेत. आतापर्यंत नरेंद्र मोदींच्या विरोधात किती तक्रारी दाखल करण्यात आल्या? ते तर दररोज हिंदू-मुस्लिम करत असतात. 

भाजप नेत्यांवर साधला निशाणा
ममता बॅनर्जी यांनी आपल्या प्रचारादरम्यान निवडणूक आयोगासोबतच भाजप नेत्यांवर देखील निशाणा साधला आहे. त्यांनी म्हटलं की, नंदीग्रामच्या मुस्लिमांना पाकिस्तानी म्हणणाऱ्या लोकांविरोधात किती तक्रारी दाखल झाल्या? त्यांना लज्जास्पद वाटत नाही? ते माझ्याविरोधात काही करु शकत नाहीत. मी हिंदू, मुस्लिम, शीख, ख्रिश्चन यांच्याशिवाय इतर जनजातींच्या देखील सोबत आहे.