Mamata Banerjee : ममतादीदींना पुन्हा दुखापत

कोलकता ः पश्चिम बंगालच्या मुख्यमंत्री ममता बॅनर्जी या दुर्गापूरमध्ये हेलिकॉप्टरमध्ये बसत असताना तोल जाऊन कोसळल्याने त्यांना दुखापत झाली. पश्चिम वर्धमान जिल्ह्यात दुर्गापूर येथे आज दुपारी ही घटना घडली. ममता या हेलिकॉप्टरने कुल्टी येथील सभेसाठी चालल्या होत्या.

सुदैवाने ममतादीदींना फारशी दुखापत न झाल्याने त्या पुढील प्रचारासाठी रवाना झाल्याचे डॉक्टरांनी सांगितले. या घटनेनंतरही त्यांनी आसनसोलमधील पक्षाचे उमेदवार शत्रुघ्न सिन्हा यांच्या प्रचारासाठी सभा घेतली.