‘नोकरी करणाऱ्या व्यक्तीशी लग्न कर’ असा व्हॉट्सॲप करून पतीची आत्महत्या

‘मी निघत आहे. तुम्ही चांगले राहा. नोकरी करणाऱ्या दुसऱ्या व्यक्तीशी लग्न कर’ असा पत्नीच्या व्हॉट्सॲपवर मेसेज करून एका ३५ वर्षीय पतीने (commits suicide) गळफास लावून आत्महत्या केली. ही घटना मध्य प्रदेशातील हरदा जिल्ह्यात घडली. माहिती मिळताच पोलिसांनी घटनास्थळ गाठून तपास केला. पोलिस या प्रकरणाचा तपास करीत आहे. सतीशने दोन पानी सुसाईड नोटही लिहून ठेवली आहे. (Husband commits suicide by texting his wife)

पोलिसांनी दिलेल्या माहितीनुसार, हरदा येथील छिंदवाडा येथील रहिवासी सतीश बिऱ्हाडे याचा जून २०२० मध्ये तिमरणी समोटा तिलवारीसोबत विवाह झाला होता. पत्नी समोटा ही वनविभागात वनरक्षक म्हणून कार्यरत आहेत. तर बीटेक केल्यानंतरही सतीश बेरोजगार होता. लग्नानंतर दोघांमध्ये वाद व्हायला सुरुवात झाली. वाद इतका वाढला की दोघांनी घटस्फोटासाठी अर्ज केला. १५ एप्रिल रोजी समोटा नोकरीवर गेली होती. यावेळी नवरा हा घरी एकटाच होता.

पत्नी आलमपूर येथील माहेरीच थांबली. शनिवारी रात्री एक वाजताच्या सुमारास पतीने पत्नीला काही मेसेज (message) पाठवले. हे मेसेच पत्नीने रविवारी सकाळी वाचले. यानंतर तिने फोन केला. परंतु, प्रतिसाद मिळाला नाही. यानंतर ती हरदा येथे पोहोचली. तेव्हा घराचा दरवाजा उघडला नाही. तिने पोलिसांना फोन केला. पोलिस घटनास्थळी पोहोचले असता तिचा पती फासावर लटकलेला (commits suicide) आढळला.

पतीने केले होते नंबर व्हयरल

दोन वर्षांपूर्वी आमचे लग्न झाले होते. तेव्हापासून आमच्यात वाद सुरू होता. प्रकरण घटस्फोटापर्यंत पोहोचले आणि कोर्टात अर्ज केला. यानंतरही एकत्र राहत होते. चार जानेवारी रोजी पतीने समोट्याचे दोन्ही मोबाईल नंबर आक्षेपार्ह शब्दांसह सोशल मीडियावर व्हायरल केले होते. यानंतर याची हरदा पोलिस ठाण्यात तक्रार केली होती. नंबर व्हायरल झाल्यानंतर अश्लील कॉल येऊ लागले, असे मृताची पत्नी समोटा हिने सांगितले.