India-China Border: अरुणाचल प्रदेशात चीनची घुसखोरी? सैन्य ४० ते ५० किलोमीटर आत शिरल्याचा काँग्रेसचा दावा

India-China Border Dispute: अरुणाचल प्रदेशातील अप्पर सुबनसिरी जिल्ह्यात चिनी सैनिकांनी भारतीय हद्दीत ४० ते ५० किलोमीटरपर्यंत प्रवेश केल्याचा गंभीर आरोप प्रदेश काँग्रेसचे अध्यक्ष आणि माजी शिक्षणमंत्री बोसिराम सिरम यांनी केला आहे. सीमावर्ती भागातील परिस्थितीचा आढावा घेतल्यानंतर त्यांनी हे आरोप केले. मात्र, या दाव्यांना अद्याप स्वतंत्र दुजोरा मिळालेला नाही.