नवी दिल्ली : भारतात कोरोनाबाधित रुग्णांची संख्या दिवसेंदिवस वाढत आहे. तर दुसरीकडे कोरोनावर लस निर्मितीसाठी भारतासह इतर देशांनी प्रयत्न सुरु केले आहेत. पण सध्या देशात कोरोनाग्रस्त रुग्णांचा आकडा वाढतच आहे. सध्या देशात 11,55,191 नागरिकांना कोरोना व्हायरसची लागण झाली आहे. पण यातील विशेष बाब म्हणजे बरे होणाऱ्या रुग्णांची संख्याही मोठी आहे.
गेल्या 24 तासांत संपूर्ण देशात 37148 जणांना कोरोनाची लागण झाली असून, 587 जणांचा मृत्यू झाला. आतापर्यंत एकूण 11,55,191 जणांना कोरोनाची लागण झाली आहे. त्यात 4,02,529 ऍक्टिव्ह रुग्ण आहेत. तर सध्या 7,24,578 रुग्ण पूर्णपणे बरे झाले आहेत. तर आत्तापर्यंत 28084 जणांना कोरोनामुळे मृत्यू झाला आहे.
37 हजारांपेक्षा अधिक रुग्ण
देशात गेल्या 24 तासांत 37148 जणांना कोरोनाची लागण झाली. यामध्ये 587 रुग्णांचा कोरोनाची लागण झाल्याने मृत्यू झाला आहे.
चाचण्या मोठ्या प्रमाणात सुरु
भारतातील कोरोनाग्रस्त रुग्णांची वाढती संख्या पाहता त्यादृष्टीने सरकारकडून पावले उचलली जात आहेत. त्यानुसार देशात आत्तापर्यंत 14,38,1303 नागरिकांची कोरोना चाचणी करण्यात आली.
महाराष्ट्रात कोरोनाबाधित रुग्ण वाढताहेत
महाराष्ट्रात कोरोनाग्रस्त रुग्णांची संख्या मोठ्या प्रमाणात वाढत आहे. सध्या महाराष्ट्रात 3,18,695 रुग्णांना कोरोनाची लागण झाली आहे. सोमवारी 8240 कोरोनाचे नवे रुग्ण आढळले आहेत. तर महाराष्ट्रात आतापर्यंत अनेक कोरोनाबाधित रुग्णांचा मृत्यू झाला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.