करतारपूर साहिब कॉरिडॉर आजपासून खुला

अमित शहा यांच्याकडून ‘ट्विट’द्वारे घोषणा; श्रेयासाठी विविध पक्षांचे दावे
करतारपूर साहिब कॉरिडॉर
करतारपूर साहिब कॉरिडॉरsakal

नवी दिल्ली : केंद्र सरकारने गुरू नानक देव जयंतीदिनी (ता. १९) साजऱ्या होणाऱ्या प्रकाशपर्वाच्या आधी करतारपूर साहिब कॉरिडॉर उघडण्याचा निर्णय घेतला आहे. उद्यापासून (ता. १७) तो खुला केला जात असल्याची माहिती गृहमंत्री अमित शहा यांनी आज ट्विटद्वारे दिली.

हा मुद्दा पंजाब विधानसभा निवडणुकीमध्ये प्रचाराचा ठरण्याची दाट शक्यता आहे. त्याबाबतच्या निर्णयाचे श्रेय घेण्यासाठी आता राजकीय दावे देखील सुरू झाले आहेत.

गुरू नानक देव यांचे अंतिम काळात वास्तव्य असलेल्या आणि आता पाकिस्तानात असलेल्या करतारपूर येथील गुरुद्वाराला जोडणारा कॉरिडॉर भारत आणि पाकिस्तानने सुरू केला आहे. मात्र कोरोनाचे संकट आणि लॉकडाउनमुळे वर्षभराहून अधिक काळापासून हा कॉरिडॉर बंद आहे.

करतारपूर साहिब कॉरिडॉर
बुलडाणा : तलाठ्यास लोटपोट करून गाडी खाली घेण्याची धमकी

पंजाब विधानसभा निवडणुकीची धामधूम सुरू असताना प्रकाशपर्वाच्या निमित्ताने हा कॉरिडॉर सुरू करण्याची मागणी पुढे आली होती. शुक्रवारी गुरू नानक जयंती असून या दिवशी प्रकाशपर्व उत्सव साजरा केला जातो.

काही दिवसांपूर्वी पंजाबमधील भाजपच्या नेत्यांनी राष्ट्रपती रामनाथ कोविंद तसेच मोदी यांना भेटून करतारपूर साहिब कॉरिडॉर सुरू करण्याची मागणी केली होती. पंजाबचे माजी मुख्यमंत्री कॅप्टन अमरिंदरसिंग यांनीही गुरू नानक जयंती आधी करतारपूर साहिब कॉरिडॉर सुरू केला जावा, असा आग्रह केंद्र सरकारकडे धरला होता.

करतारपूर साहिब कॉरिडॉर
बालविवाह रोखा, अन्यथा पदाला मुकाल : रूपाली चाकणकर

पंतप्रधान नरेंद्र मोदी यांच्या सरकारने

१७ नोव्हेंबरपासून करतारपूर साहिब कॉरिडॉर पुन्हा खुला करण्याची परवानगी दिली आहे. यामुळे शीख भाविकांना मोठ्या प्रमाणात लाभ मिळेल. हा निर्णय श्री गुरू नानक देवजी आणि शीख समुदायाप्रती मोदी सरकारची अपार श्रद्धा दर्शविणारा आहे.

- अमित शहा, केंद्रीय गृह मंत्री

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com