भारतीय नौदलाचं मिग-29के विमान अपघातग्रस्त; पायलटसाठी शोधमोहीम सुरु

नवी दिल्ली : भारतीय नौदलाचे मिग-29 के हे विमान अपघातग्रस्त झालं आहे, अशी माहिती एएनआय या वृत्तसंस्थेने दिली आहे. हे विमान अरबी समुद्रात दुर्घटनाग्रस्त झालं आहे. या दुर्घटनेतील एका पायलटला वाचवण्यात यश आलं आहे. मात्र, या विमानातील दुसऱ्या पायलटचा शोध अद्याप सुरु आहे. दुसऱ्या पायलटला शोधण्यासाठी युद्धपातळीवर प्रयत्न सुरु आहेत. 

सविस्तर माहिती अशी की, भारतीय नौदलाचे मिग-29के हे प्रशिक्षक विमान काल 26 नोव्हेंबर रोजी संध्याकाळी पाच वाजता अपघातग्रस्त झालं आहे. या अपघातानंतर तातडीने बचावकार्य सुरु करण्यात आले.

यामध्ये असलेल्या दोन पायलटपैकी एका पायलटला शोधण्यात यश आले आहे. मात्र दुसरा पायलटचा शोध जारी आहे. समुद्रमार्गे हा शोध घेण्यात येतो आहे. याबाबतची अधिकृत माहिती  भारतीय नौदलाकडून देण्यात आली आहे. यासंदर्भात अधिक तपास आणि चौकशी करण्यात येत आहे.