ISRO Satellite Launched: इस्त्रोच्या 'बाहुबली LVM3'चे व्यवसायिक प्रक्षेपण यशस्वी

श्रीहरीकोटा : इस्त्रोने आज मध्यरात्री पहिल्या व्यवसायिक रॉकेटचे प्रक्षेपण केले. इस्त्रोचे रॉकेट बाहुबली LVM3 हे जवळपास ३६ व्यवसायिक रॉकेटसह आकाशात झेपावले आहे. तर हे आत्तापर्यंतचे सर्वांत वजनदार रॉकेट असून भारताने व्यवसायिक रॉकेट लाँच करण्याच्या स्पर्धेमध्ये इतिहास रचला आहे. सतिश धवन स्पेस सेंटर, श्रीहरिकोटा येथून मध्यरात्री १२ वाजून ७ मिनीटांनी हे रॉकेट प्रक्षेपित केले गेले.

(ISRO Successfully Launched Bahubali LVM-3 Rocket)

दरम्यान, भारताकडून प्रक्षेपित केल्या जाणाऱ्या रॉकेटमधील सर्वांत वजनदार रॉकेट मध्यरात्री प्रक्षेपित करण्यात आले असून याद्वारे एका खासगी उपग्रह कंपनी असलेल्या One Webच्या ३६ उपग्रहांचे प्रक्षेपण केले आहे. यानंतर इस्त्रोचे One Web India-1 हे मिशन पूर्ण झाले असून भारतीयांसाठी ही मोठी दिवाळी भेट आहे.

इस्त्रोने लाँच केलेल्या या रॉकेटची लांबी ४३.५ मीटर लांब असून यामध्ये जवळपास ८ हजार किलोपर्यंतचे उपग्रह वाहून नेण्याची क्षमता आहे. या प्रक्षेपणासाठी २४ तासांचा काऊंटडाऊन ठेवण्यात आला होता. तर पुढील काही दिवसांत उपग्रहांचा आणखी एक सेट प्रक्षेपित केला जाणार असल्याचं इस्त्रोच्या अध्यक्षांनी सांगितलं.