- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
चांद्रयान-2 मोहिमेनंतर भारताने आपली अवकाश मोहिम जोमाने पुढे सुरू ठेवली आहे. चांद्रयान-2 मोहिम पूर्णपणे यशस्वी झाली नसली तरी त्यामुळे अवकाश क्षेत्रात भारताचा असणारा दबदबा काही कमी झालेला नाही, हे आज पुन्हा एकदा सिद्ध झाले.
भारतीय अवकाश संशोधन संस्था (इस्रो)ने बुधवारी (ता.11) श्रीहरीकोटा येथील सतीश धवन अवकाश केंद्रावरून रडार इमेजिंग अर्थ ऑब्झर्वेशन सॅटेलाईट रिसॅट-2बीआर1 चे प्रक्षेपण केले. या उपग्रहाचे प्रक्षेपण पीएसएलव्ही रॉकेटद्वारे करण्यात आले. पीएसएलव्ही रॉकेटद्वारे करण्यात आलेले हे 50 वे प्रक्षेपण ठरले आहे.
रिसॅट-2बीआर1 उपग्रहाचे वजन 628 किलो असून रिसॅट-2बी मालिकेतील हा दुसरा उपग्रह आहे. या वर्षाच्या सुरवातीला रिसॅट-2बीचे प्रक्षेपण करण्यात आले होते. रिसॅट-2बी उपग्रहाचे वैशिष्ट्य म्हणजे हे उपग्रह प्रामुख्याने हेरगिरी करण्यासाठी वापरले जातात.
27 नोव्हेंबरला इस्रोने कार्टोसॅट-3 या उपग्रहाचे प्रक्षेपण केले होते. आज प्रक्षेपित करण्यात आलेल्या रिसॅट-2बीआर1 या उपग्रहासोबत आणखी 9 उपग्रह अवकाशात सोडण्यात आले आहेत. यामध्ये सहा उपग्रह अमेरिका, इस्रायल, इटली आणि जपान यांचा प्रत्येकी एका उपग्रहाचा समावेश आहे.
चांद्रयान-2 या महत्त्वाकांक्षी मोहिमेनंतर इस्रो गगनयान या पुढच्या मोहिमेच्या तयारीला लागले आहे. या मोहिमेंतर्गत इस्रो पहिल्यांदाच तीन भारतीयांना अवकाशात पाठविणार आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.