Accident : जम्मू-काश्मीरमध्ये भीषण अपघात; बस दरीत कोसळून 11 जणांचा मृत्यू, 8 जण जखमी

श्रीनगर : जम्मू-काश्मीरमधील पुंछमध्ये (Jammu and Kashmir Poonch) आज (बुधवार) सकाळी भीषण रस्ता अपघात झाला आहे. पुंछच्या सवजियान भागात आज पहाटे एक मिनी बस (Bus) दरीत कोसळली. या अपघातात आतापर्यंत 11 जणांचा मृत्यू झाला आहे. या घटनेची माहिती मंडी तहसीलदार शहजाद लतीफ (Tehsildar Shehzad Latif) यांनी दिलीय.

शहजाद लतीफ यांनी सांगितलं की, या अपघातातील जखमींना वाचवण्यासाठी लष्कराचं बचावकार्य सुरू आहे. आतापर्यंत 11 जणांचा मृत्यू झाला असून जखमींना मंडीतील रुग्णालयात दाखल करण्यात आलंय. या घटनेनंतर परिसरात खळबळ उडालीय.

जम्मू-काश्मीरचे लेफ्टनंट गव्हर्नर मनोज सिन्हा यांनी पुंछ दुर्घटनेवर दु:ख व्यक्त केलंय. यासोबतच त्यांनी मृतांच्या कुटुंबीयांना प्रत्येकी 5 लाख रुपयांची मदत जाहीर केलीय. जखमींना चांगले उपचार देण्याचे निर्देशही त्यांनी अधिकाऱ्यांना दिले आहेत.