देहराडून : उत्तराखंडमध्ये पूर्णगिरी जनशताब्दी एक्सप्रेस अचानक उलट्या दिशेनं धावू लागल्यामुळे प्रवाशांमध्ये गोंधळ निर्माण झाला होता. ही रेल्वे चक्क ३५ किमीपर्यंत उलट्या दिशेनं धावत होती. प्रवाशांमध्ये काही वेळ गोंधळाची परिस्थिती ओढावली होती. मात्र, वाहकाच्या प्रसंगावधनामुळे मोठा अपघात टळल्याचं समोर आलं आहे. एएनआय या वृत्तसंस्थेनं या घटनेचा व्हिडीओ ट्विट केला आहे.
बुधवारी पूर्णगिरी जनशताब्दी एक्सप्रेस दिल्‍लीवरुन उत्‍तराखंडमधील टनकपूर जिल्ह्यासाठी रवाना झाली होती. त्यावेळी ही घटना घडली. चंपावत येथील पोलीस अधीक्षक लोकेश्वर सिंह यांनी, या घटनेचा तपास सुरु असल्याचं म्हटलं आहे. प्राथमिक तपासानुसार उत्‍तराखंड मधील खटीमा-टनकपूर सेक्‍शनदरम्यान एका जनावराला वाचवण्यासाठी चालकानं अचानक ब्रेक लावलं. त्यानंतर रेल्वेमध्ये अचानक काहीतरी तांत्रिक अडचण निर्माण झाली, त्यामुळे ती उलट्या दिशेनं धावू लागली,
तांत्रिक कारणामुळे बनबसा येथून रेल्वे ३५ किमीपर्यंत उलट्या दिशेन धावली. चकरपूर येथे अखेर रेल्वेला ब्रेक लागला. ब्रेक लागल्यामुळे आणि चालकाच्या प्रसंगावधनामुळे मोठी दुर्घटना टळली आहे. या घटनेचा व्हिडीओ समोर आला आहे.
पाहा व्हिडिओ -
या घटनेमध्ये रेल्वे पटरीवरुन खाली उतरण्याची किंवा प्रवाशाला दुखापत झाल्याची कोणतीही माहिती मिळालेली नाही. घटनेच्या तपासासाठी उत्तर प्रदेश येथून तांत्रिक पथक उत्तराखंडमध्ये पोहचलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.