Latest Marathi Update : तवी नदीने धोक्याची पातळी ओलांडली

तवी नदीच्या पाणी पातळीने धोक्याची पातळी ओलांडल्यामुळे, पोलिसांनी नदीकाठच्या रहिवाशांना सुरक्षित ठिकाणी स्थलांतर करण्याचे आवाहन केले आहे..सीजेपीचे प्रवक्ते सौरव दास म्हणतात, "पंतप्रधानांचे विधान हा केवळ वरवरचा उपाय आहे. आम्हाला धर्मेंद्र प्रधान यांचा राजीनामा हवा आहे. त्यापेक्षा कमी काहीही चालणार नाही.".धुळे जिल्ह्यातील मुंबई आग्रा महामार्गावरील देवभाने फाट्यावर रास्ता रोको आंदोलन झाले. भरपावसात आंदोलन झाले. नीट युजी पेपरफुटी आणि विद्यार्थ्यांवर झालेल्या लाठीचार्जच्या निषेधार्थ आज देवभाने फाटा येथे रास्ता रोको करण्यात आला. .शिवसेनेचे खासदार श्रीकांत शिंदे म्हणतात, "काँग्रेस पक्षाने सुरुवातीला या मुद्द्यावर संसदेत चर्चा करण्याची मागणी केली होती आणि सरकार सविस्तर चर्चेसाठी पूर्णपणे तयार आहे. मंत्री किरेन रिजिजू यांनी काल आणि आज सभागृहात स्पष्ट केले की, 'या विषयावर केवळ एक दिवस नाही, तर दोन दिवस चर्चा करा. तुम्हाला हवी तेव्हा चर्चा करा. आताच चर्चेला सुरुवात करा.' परंतु मला वाटते की, काँग्रेस पक्ष केवळ या मुद्द्यावरून लक्ष विचलित करण्याचा प्रयत्न करत आहे. त्यांना विद्यार्थ्यांची काहीही पर्वा नाही. त्यांना त्यांच्या आंदोलनातून राजकीय फायदा मिळवायचा आहे. 'नीट' (NEET) परीक्षेचा पेपर फुटल्याप्रकरणी दोषी आढळणाऱ्या कोणावरही कारवाई करण्याचे आश्वासन पंतप्रधान मोदींनी दिले आहे. दोषींना फास्ट-ट्रॅक न्यायालयाद्वारे कठोर शिक्षा मिळवून दिली जाईल, असे ट्विट त्यांनी आज सकाळीच केले आहे. यात कोणालाही सोडले जाणार नाही. त्यामुळे, मला वाटते की संसदेपेक्षा या विषयावर चर्चा करण्यासाठी दुसरे कोणतेही उत्तम व्यासपीठ असू शकत नाही.".पेपरफुटीप्रकरणी दोषींना लवकर शिक्षा होणार; फास्ट ट्रॅक न्यायालयांची घोषणा, निर्मला सीतारामन यांची माहितीदिल्लीतील कॉकरोच जनता पार्टीच्या आंदोलनाच्या पार्श्वभूमीवर केंद्रीय अर्थमंत्री निर्मला सीतारामन यांनी परीक्षा पेपरफुटीप्रकरणी केंद्र सरकारची भूमिका स्पष्ट केली. विद्यार्थ्यांच्या भवितव्याशी संबंधित हा अत्यंत संवेदनशील विषय असल्याचे सांगत, पंतप्रधानांनी दोषींवर कठोर कारवाईचे आश्वासन दिल्याचे त्यांनी नमूद केले.सीतारामन म्हणाल्या की, परीक्षेची तयारी करणाऱ्या विद्यार्थ्यांसाठी पेपरफुटी, पुनर्परीक्षा यांसारखे मुद्दे अत्यंत गंभीर आहेत. सरकारने या प्रकरणात संवेदनशीलता दाखवली नसती, तर विरोधकांच्या टीकेला वाव मिळाला असता. मात्र, पंतप्रधानांनी यापूर्वीच या विषयावर भूमिका मांडली असून, पेपरफुटीप्रकरणातील दोषींना कठोर शिक्षा दिली जाईल, असे स्पष्ट केले आहे.त्यांनी सांगितले की, पेपरफुटीत सहभागी असलेल्या, प्रश्नपत्रिका विकणाऱ्या, खरेदी करणाऱ्या आणि लीक करणाऱ्या संबंधित आरोपींना आधीच अटक करण्यात आली आहे. आज पंतप्रधानांनी फास्ट ट्रॅक न्यायालयांमार्फत या प्रकरणांची जलद सुनावणी करून दोषींना शक्य तितक्या लवकर शिक्षा देण्याची घोषणा केली आहे..'युवकांच्या भविष्यासाठी राजकारण नको; चर्चेत अडथळे आणू नका', सर्व पक्षांना किरेन रिजिजू यांचे आवाहनकेंद्रीय संसदीय कामकाज मंत्री किरेन रिजिजू म्हणाले, "चर्चा विस्कळीत करण्यासाठी कोणत्याही राजकीय पक्षाने अटी घालू नयेत, असे मी सर्व पक्षांना आवाहन करतो. हा राजकारण करण्याचा काळ नाही. देशातील युवकांच्या भविष्यासाठी आवश्यक ती सर्व पावले उचलण्याची ही वेळ आहे.".पुण्यातील मंगळवार पेठ येथे असलेल्या आमदार सुनील कांबळे यांच्या कार्यालयाबाबत वंचित आघाडीच्या मोर्चादरम्यान कार्यकर्त्यांनी कार्यालय बंद करण्याची मागणी केली. या मागणीवर कार्यकर्ते ठाम असून कार्यालय बंद करण्यासाठी त्यांनी जोरदार भूमिका घेतल्याचे समोर आले आहे..'नीट' आणि पेपरफुटीवर संसदेत सविस्तर चर्चा हवी; विरोधक चर्चेपासून पळ काढत आहेत : शिवराज सिंह चौहानकेंद्रीय मंत्री शिवराज सिंह चौहान म्हणाले, "विकसित भारताचे उद्दिष्ट लक्षात घेऊन सरकारला तरुणांच्या अपेक्षांवर संसदेत सविस्तर चर्चा करायची आहे. 'नीट' आणि पेपरफुटीच्या मुद्द्यावरही सर्वंकष चर्चा व्हावी, अशी आमची इच्छा आहे. मात्र, दुर्दैवाने विरोधक वारंवार चर्चेपासून पळ काढत आहेत आणि आपली भूमिका बदलत आहेत.विरोधकांना चर्चा नको आहे, कारण चर्चा झाली तर त्यांचे गुपित उघड होईल, याची त्यांना भीती आहे. पंतप्रधानांनी स्पष्टपणे सांगितले आहे की, विद्यार्थ्यांचे हित आमच्यासाठी सर्वोच्च आहे. पण विरोधकांना विद्यार्थ्यांशी किंवा 'नीट'शी काहीही देणे-घेणे नाही..जंतर-मंतरवर CJP आंदोलक आणि निहंग शीख आमनेसामने; धक्काबुक्की, परिस्थिती तणावपूर्णजंतर-मंतर येथे सुरू असलेल्या कॉकरोच जनता पार्टी (CJP) च्या आंदोलनादरम्यान बुधवारी तणाव निर्माण झाला. आंदोलनस्थळी CJP चे आंदोलक आणि निहंग शीख यांच्यात धक्काबुक्की व झटापट झाल्याचे समोर आले आहे. या घटनेमुळे परिसरात काही काळ तणावपूर्ण वातावरण निर्माण झाले..वंचित बहुजन आघाडीचे युवा प्रमुख सुजात आंबेडकर यांना पोलिसांनी घेतलं ताब्यातविरारमध्ये वंचितचे आक्रमक आंदोलनपोलिसी ठाण्याबाहेर आंदोलक आक्रमकविरामध्ये वंचितच्या कार्यकर्त्यांची धरपकड.'सरकारने विद्यार्थ्यांवर बळाचा वापर करू नये; हमी मिळाली तर आजच उपोषण सोडेन' – सोनम वांगचुकसामाजिक कार्यकर्ते सोनम वांगचुक यांनी गुरुग्राममधील रुग्णालयातून एक व्हिडिओ संदेश जारी केला आहे. या व्हिडिओमध्ये त्यांनी सरकारला विद्यार्थ्यांवर बळाचा वापर न करण्याचे आवाहन केले असून, सरकारकडून याबाबत हमी मिळाल्यास आजच आपले उपोषण मागे घेण्याची तयारी दर्शवली आहे.सोनम वांगचुक म्हणाले, "मी अजूनही जिवंत आहे. सरकारला माझी विनंती आहे की, विद्यार्थ्यांवर बळाचा वापर करू नये. याबाबत सरकारकडून मला ठोस हमी हवी आहे. जर ही हमी मिळाली, तर मी आजच माझे उपोषण संपवेन. मात्र, अशी हमी मिळाली नाही, तर मी माझे उपोषण सुरूच ठेवेन.".सिव्हिल ड्रेसवरील लोकांकडे पोलिसांकडे काठ्या कशा, उद्धव ठाकरेंचा सवालमुलांसोबत चर्चा करण्यात कमीपणा काय आहे. पहिल्या दिवशीच त्यांच्यासोबत चर्चा करायला हवी होती तर ही वेळ आलीच नव्हती. राग संताप उफाळून वर आलाय. आम्ही ही वाट करून द्यायचा प्रयत्न करतो. पण काहीजण याला वेगळं वळण देण्याचा प्रयत्न केला जातो. सिव्हिल ड्रेसवरील लोकांकडे पोलिसांकडे काठ्या कशा आल्या. त्यांची ओळख नाही. ते पाकिस्तानमधून गुंड आणले आहेत..उद्धव ठाकरेंची मोठी घोषणा! शिवाजी पार्कवरून मोर्चा काढणार२६ तारखेला आम्ही एक मोर्चा, मुलांना घेऊन करायचं ठरवले आहे. मुंबईत पालक आणि मुलं एकत्र येऊन आपला राग रोष व्यक्त करत आहेत. आम्ही मोर्चा काढत आहे. शिवाजी पार्कवरून निघेल.. सिद्धीविनायकाकडे जाईल.. तिथे आम्ही साकडे घालू...पंतप्रधान नरेंद्र मोदींनी आज केलेल्या ट्विटला महत्त्व नाही - राज ठाकरेभाजप सरकारला सत्तेचा माज आलायदिल्लीत पोलिसांनी लाठीचार्ज केल्याचे पडसाद संपूर्ण देशात उमटतायतपंतप्रधान नरेंद्र मोदींनी आज केलेल्या ट्विटला महत्त्व नाहीआता हा मुद्दा प्रधान यांच्या राजीनाम्याच्या पुढे पोहोचलायविद्यार्थ्यांचं आंदोलन चिरडण्याचा प्रयत्न होतोयपदावर असताना जबाबदारी घ्यायला पाहिजेदिल्लीतील आंदोलन शांततेत सुरु होतं.'विद्यार्थ्यांचे ऐका, धर्मेंद्र प्रधानांचा राजीनामा घ्या'; प्रियंका गांधींचा मोदी सरकारवर हल्लाबोलपेपरफुटीच्या प्रकरणांमध्ये जलदगती न्यायालये (फास्ट-ट्रॅक कोर्ट) स्थापन करण्याची घोषणा पंतप्रधान नरेंद्र मोदी यांनी केल्यानंतर काँग्रेस खासदार प्रियंका गांधी यांनी तीव्र प्रतिक्रिया दिली.प्रियंका गांधी म्हणाल्या, "पंतप्रधान हे देशाचे नेते आहेत आणि आता नेतृत्व दाखवण्याची वेळ आली आहे. विद्यार्थ्यांच्या मागण्या ऐका. विद्यार्थी शिक्षणमंत्र्यांच्या राजीनाम्याची आणि त्यांच्यावर लाठीचार्ज करणाऱ्यांवर कारवाईची मागणी करत आहेत.""विद्यार्थ्यांचा व्यवस्थेवरील विश्वास उडाला आहे. त्याच व्यवस्थेच्या चौकटीत राहून उपाय दिला, तर विद्यार्थी तो स्वीकारणार नाहीत. विद्यार्थ्यांच्या मागण्या मान्य केल्याशिवाय या प्रश्नावर तोडगा निघू शकत नाही."पंतप्रधान मोदींवर निशाणा साधताना प्रियंका गांधी म्हणाल्या, "तुम्ही सोशल मीडियावर विद्यार्थ्यांवर विश्वास असल्याचे सांगता, पण काल रात्री त्यांच्यावर लाठीचार्ज करण्यात आला. जर विद्यार्थ्यांवर खरोखरच विश्वास असेल, तर त्यांच्यावर लाठ्या का चालवल्या? विद्यार्थ्यांची काळजी असेल, तर त्यांना बोलावून त्यांच्याशी संवाद साधा.".पुण्यात वंचित कडून रास्ता रोकोपुणे मुंबई जुना महामार्गावर वंचित कडून रास्ता रोको करण्याचा प्रयत्नपुण्यातील वाकडेवाडी परिसरात केला रास्ता रोकोपुण्यातील कोथरूड भागात असलेल्या छत्रपती शिवाजी महाराज यांच्या पुतळ्याजवळ आंदोलनमहाराष्ट्र बंद करण्याबाबत वंचित कडून घोषणाबाजीवंचित बहुजन आघाडीच्या कार्यकर्त्यांकडून सरकार विरोधी घोषणा.'मोदींच्या शब्दांवर आता कुणाचाच विश्वास नाही'; के. सी. वेणुगोपाल यांचा घणाघातपंतप्रधान नरेंद्र मोदी यांनी पेपरफुटी प्रकरणातील दोषींना कठोर शिक्षा व्हावी यासाठी फास्ट-ट्रॅक न्यायालये स्थापन करण्याबाबत केलेल्या पोस्टवर काँग्रेस खासदार के. सी. वेणुगोपाल यांनी प्रतिक्रिया दिली.वेणुगोपाल म्हणाले, "आजकाल त्यांच्या शब्दांवर कुणाचाही विश्वास राहिलेला नाही. त्यांच्या वक्तव्यांवरील जनतेचा विश्वास पूर्णपणे उडाला आहे. सर्वप्रथम धर्मेंद्र प्रधान यांना शिक्षणमंत्रीपदावरून हटवले पाहिजे. त्यानंतरच त्यांनी विद्यार्थ्यांशी संवाद साधावा.".संसद परिसरातील मकर द्वाराजवळ एनडीए आणि इंडिया आघाडीच्या खासदारांचे आंदोलन सुरू आहे..राहुल गांधींची मोदींवर टीका; 'शिक्षण व्यवस्था उद्ध्वस्त केली, धर्मेंद्र प्रधानांना हटवा'काँग्रेस नेते राहुल गांधी यांनी पंतप्रधान नरेंद्र मोदी यांच्यावर विद्यार्थ्यांच्या प्रश्नावरून जोरदार टीका केली आहे. सोशल मीडियावरील पोस्टमध्ये त्यांनी, "देशातील तरुणांच्या भविष्याचे सर्वाधिक नुकसान तुम्ही केले आहे. शिक्षण व्यवस्थेवर कब्जा करून ती उद्ध्वस्त होऊ दिली आणि जबाबदार व्यक्तींना संरक्षण दिले," असा आरोप केला.राहुल गांधी यांनी विद्यार्थ्यांच्या तीन प्रमुख मागण्याही मांडल्या आहेत. त्यामध्ये केंद्रीय शिक्षणमंत्री धर्मेंद्र प्रधान यांना पदावरून हटवणे, विद्यार्थ्यांची माफी मागणे आणि आंदोलनादरम्यान विद्यार्थ्यांवर झालेल्या कथित हल्ल्यांची चौकशी करून संबंधितांवर कारवाई करणे, या मागण्यांचा समावेश आहे..पुणे : कोकण आणि घाटमाथ्यावर मुसळधार पावसाने धुमाकूळ घातला असून, मध्य महाराष्ट्र व विदर्भातही जोरदार पावसाच्या सरींनी हजेरी लावली आहे. आज (ता. २३) पुण्याच्या घाटमाथ्यावर मुसळधार पावसाची शक्यता असल्याने सावधानतेचा इशारा (रेड अलर्ट) कायम आला आहे. उर्वरित कोकण, घाटमाथ्यावर अति जोरदार सरींची शक्यता असल्याने दक्षतेचा इशारा (ऑरेंज अलर्ट) हवामान विभागाने दिला आहे. पालघर, रायगड, रत्नागिरी, नाशिक घाटमाथा, सातारा जिल्ह्याच्या घाटमाथ्यावर अति जोरदार पावसाची शक्यता आहे..वॉशिंग्टन : अमेरिकास्थित ‘हिंदूज फॉर ह्युमन राइट्स’ या संस्थेच्या कार्यकर्त्यांनी सोमवारी सायंकाळी न्यूयॉर्क शहरातील युनियन स्क्वेअरमधील महात्मा गांधी यांच्या पुतळ्याजवळ तसेच सॅन होजे येथे एकत्र जमत, सोनम वांगचुक यांना पाठिंबा जाहीर केला. तसेच ‘नीट’ परीक्षेतील अनियमिततेविरोधात या कार्यकर्त्यांनी न्यूयॉर्क आणि सॅन होजे येथे निदर्शने केली. या कार्यकर्त्यांनी भारत सरकारविरोधात घोषणाबाजी करत केंद्रीय शिक्षणमंत्री प्रधान यांच्या राजीनाम्याची मागणी केली..कण्हेर धरणाच्या पाणलोट क्षेत्रात पडणाऱ्या पावसामुळे कण्हेर धरणातून सद्यस्थितीत १६०० क्युसेक विसर्ग सुरू आहे. या सोडण्यात आलेल्या विसर्गात पाणलोट क्षेत्रात होणाऱ्या पावसाच्या प्रमाणात वाढ करणे आवश्यक आहे. आज संध्याकाळी ०७:०० वा विसर्गात वाढ करणेचे नियोजन आहे. तसेच धरणाच्या खालील क्षेत्रात पडणाऱ्या पावसामुळे वेण्णा नदीच्या पाणी पातळी वाढ होत आहे..बॉलिवूड अभिनेत्री हुमा कुरेशी जंतर-मंतरवर दाखलबॉलिवूड अभिनेत्री हुमा कुरेशी यांनी जंतर-मंतर येथे सुरू असलेल्या शांततापूर्ण आंदोलनाला पाठिंबा दर्शवण्यासाठी उपस्थिती लावली."हे जनतेचे आंदोलन आहे. न्याय आणि जबाबदारीची मागणी करण्यासाठी आपण सर्वांनी एकत्र येणे आवश्यक आहे," असा संदेश त्यांनी दिला..भाजपकडून बाहेरून गुंड पाठवून आंदोलन चिघळवण्याचा प्रयत्न : अभिजीत दिपकेकॉकरोच जनता पक्षाचे (CJP) संस्थापक अध्यक्ष अभिजीत दिपके म्हणाले, "आंदोलनात जाणीवपूर्वक गोंधळ घालण्यासाठी बाहेरून लोक पाठवले जात आहेत. आम्ही गेल्या महिनाभरापासून येथे आंदोलन करत आहोत. या संपूर्ण काळात असा एकही प्रकार घडला नव्हता. मात्र, आंदोलनाला मोठा प्रतिसाद मिळू लागल्यानंतर भाजपकडून बाहेरून गुंड पाठवून जाणूनबुजून वातावरण चिघळवण्याचा प्रयत्न केला जात आहे. दगडफेक करणारे हे भाजपचेच कार्यकर्ते आहेत. पोलिस येथे ट्रकमधून दगड आणतात. त्यानंतर भाजपचे गुंड दगडफेक करतात आणि त्याचा ठपका CJP च्या आंदोलनकर्त्यांवर ठेवून त्यांची बदनामी करण्याचा प्रयत्न केला जातो.".दिल्लीमध्ये CJP च्या 'चलो संसद' आंदोलनाच्या पार्श्वभूमीवर आणि कडक सुरक्षा व्यवस्थेमुळे दिल्ली मेट्रो रेल कॉर्पोरेशन (DMRC)ने १६ मेट्रो स्थानके बंद ठेवण्याची घोषणा केली आहे. DMRC च्या माहितीनुसार, ही स्थानके सकाळी ७.३० वाजल्यापासून पुढील आदेश मिळेपर्यंत प्रवाशांसाठी बंद राहतील..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi Update : तवी नदीने धोक्याची पातळी ओलांडली

तवी नदीने धोक्याची पातळी ओलांडली

Related Stories

दिल्लीतील आंदोलनासह दिवसभरातील सर्व घडामोडींचे अपडेट्स वाचा एका क्लिकवर...

CJP च्या 'जंतरमंतर'वरील आंदोलनाने वेधले लक्ष! रोहित शर्मा, सूर्या आणि बुमराहच्या पत्नींची प्रतिक्रिया चर्चेत

Mumbai News: मुलासह आईचं मुंबईत आंदोलन; पोलिसांनी हटायला सांगताच संताप अनावर, पुढे जे घडलं ते VIDEO मध्ये कैद

Latest Marathi Update: दिवसभरातील महत्त्वाच्या घडामोडी वाचा एका क्लिकवर...