धक्कादायक ! बाजारातून घरी चाललेल्या महिलेवर पतीसमोरच 17 जणांकडून सामूहिक बलात्कार

crime scene main.jpg
crime scene main.jpg

दुमका- झारखंडमधील दुमका जिल्ह्यात खळबळजनक घटना घडली आहे. पतीबरोबर बाजाराला गेलेल्या पाच मुलांच्या आईवर सामूहिक बलात्कार केल्याचे प्रकरण समोर आले आहे. ही घटना मंगळवारी रात्री उशिरा घडली. पीडित महिला पतीबरोबर आठवडा बाजारावरुन घरी चालली होती. आरोपींना अटक करण्यासाठी पोलिसांनी कारवाई सुरु केल्याची माहिती पोलिस उपमहानिरीक्षक सुदर्शन प्रसाद मंडल यांनी प्रसारमाध्यमांना दिली आहे. पतीसमोरचा महिलेवर बलात्कार केल्याचे सांगण्यात येत आहे.

पोलिसांनी दिलेल्या माहितीनुसार, दुमका मुफस्सिल ठाणे क्षेत्रात पाच मुलांची आई असलेली पीडित महिला आपल्या पतीबरोबर आठवडा बाजारातून परतत होती. त्याच गावात जत्रेचेही आयोजन करण्यात आले होते. रात्री उशिरा परतत असताना काही टवाळखोरांनी तिच्या पतीला पकडले आणि महिलेवर सामूहिक बलात्कार केला. बुधवारी सकाळी पीडित महिलेने आपल्या पतीबरोबर पोलिस ठाण्यात जाऊन तक्रार दाखल केली. 

पीडितेच्या पतीने दिलेल्या माहितीनुसार, गावात दर मंगळवारी बाजार भरतो. खरेदीसाठी तो पत्नीला घेऊन तिथे गेला होता. रात्री 8 वाजता खरेदी करुन बाजारातून घरी जात असताना रस्त्यात दारुच्या नशेत धुंद असलेले सुमारे 17 मुले उभे होते. त्यातील पाच मुलांनी पतीला पकडले. उरलेल्या मुलांनी पत्नीला बाजूच्या झाडाआड नेले आणि तिच्यावर बलात्कार केला. 

आरोपींची ओळख पटवण्याचे काम सुरु असून पीडित महिलेला वैद्यकीय तपासणीसाठी हॉस्पिटलमध्ये दाखल करण्यात आले आहे. पीडितेच्या जबाबानुसार या घटनेत 17 आरोपींचा समावेश आहे. त्यातील एका आरोपीला पीडित महिला ओळखते, तो त्याच गावचा रहिवासी असल्याचे सांगण्यात येते, अशी माहिती उपमहानिरीक्षक सुदर्शन प्रसाद मंडल यांनी सांगितले. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com