JNU: ...तर रक्तपात होणार! भितींवर ब्राह्मण विरोधी नारा

जवाहरलाल नेहरू विश्वविद्यालय पुन्हा एकदा चर्चेत आलं आहे. देशात रक्तपात होणार असल्याचे बोलले जात आहे. जेएनयू कॅम्पसमधील अनेक इमारतींवर ब्राह्मण आणि बनियाविरोधी नारा देण्यात आला आहे. इतकेच नव्हे तर जीवे मारण्याची धमकीदेखेली देण्यात आली आहे. (JNU On Anti-Brahmin Slogans On Walls)

मिळालेल्या माहितीनुसार, जेएनयु विश्वविद्यालयाच्या इमारतीवर ब्राह्मण आणि बनियांच्या विरोधात जातीयवादी घोषणा लिहिल्यानंतर चांगलाच गोंधळ झाला आहे. तसेच, भिंतींवर ब्राह्मण आणि बनिया समाजाने निघून जावे, अन्य़ता रक्तपात होईल अशी धमकीदेखील देण्यात आली आहे. त्यामुळे दिल्ली येथे पुन्हा एकदा भितीचे वातावरण निर्माण झाले आहे.

नेमकं भिंतीवर काय लिहिलं आहे?

'ब्राह्मण आणि बनिया परिसर सोडा', 'आम्ही तुमच्यासाठी येत आहोत', 'शाखेत परत जा', 'आम्ही बदला घेऊ', 'रक्तपात होणार' अशा काही घोषणा सर्व भिंती आणि दरवाजांवर लिहिण्यात आल्या आहेत. या फोटोही सोशल मीडियावर व्हायरल होत आहेत. जेएनयू टीचर्स फोरमने ट्विटरवर काही फोटोही शेअर केले आहेत.

जवाहरलाल नेहरू विद्यापीठाचे कुलगुरू प्रोफेसर शांतीश्री डी पंडित यांनी हे प्रकरण गांभीर्याने घेत तत्काळ चौकशीचे आदेश दिले आहेत. 'कॅम्पसमधील अशा फुटीरतावादी कारवाया अजिबात खपवून घेतल्या जाणार नाहीत, जेएनयू सर्वांचे आहे.

जेएनयू टीचर्स फोरमनेही याविरोधात संताप व्यक्त केला आहे. त्यांनी स्कूल ऑफ इंटरनॅशनल स्टडीज (SIS) चे डीन आणि तक्रार समितीला तपास पूर्ण करून लवकरात लवकर अहवाल सादर करा' असा आदेशही कुलगुरू प्रोफेसर शांतीश्री डी पंडित यांनी दिला आहे.

सुप्रीम कोर्टात वकील असलेले विनीत जिंदाल यांनी याप्रकरणी दिल्ली पोलिस आयुक्तांकडे तक्रार दाखल केली आहे. आयपीसीच्या कलम 153A/B, 505, 506, 34 अंतर्गत अज्ञात लोकांविरुद्ध गुन्हा नोंदवून या प्रकरणाचा तपास करण्याची मागणी दिल्ली पोलिसांना करण्यात आली आहे. जिंदाल यांनी दिल्ली पोलिसांना पत्र लिहून गुन्हा दाखल करण्याची मागणी केली आहे.