Congress प्रदेशाध्यक्षांना मोठा दिलासा; CBI चौकशीला High Court नं दिली स्थगिती

बेंगळुरू : कर्नाटक उच्च न्यायालयानं (Karnataka High Court) राज्य काँग्रेसचे प्रमुख डी. के. शिवकुमार (D. K. Shivakumar) यांना सीबीआय चौकशीतून दोन आठवड्यांची मुदत दिलीये.

उच्च न्यायालयाच्या अंतरिम आदेशानुसार, शिवकुमार यांच्याविरोधातील सीबीआय चौकशीला 24 फेब्रुवारीपर्यंत स्थगिती देण्यात आलीये.

कर्नाटकातील काँग्रेस सरकारमध्ये (Congress Government) मंत्री असताना 2013 ते 2018 या कालावधीत 74.93 कोटी रुपयांची बेहिशोबी मालमत्ता बाळगल्याप्रकरणी शिवकुमार यांच्यावर खटला सुरुये. न्यायमूर्ती के. नटराजन यांनी शिवकुमार यांच्या याचिकेवर अंतरिम आदेश दिला.

पुढील काही महिन्यांत होणाऱ्या विधानसभा निवडणुका लक्षात घेऊन सीबीआयनं नुकतीच ही नोटीस बजावली असल्याचा दावाही शिवकुमारांच्या वकिलानं केला. गेल्या वर्षी जुलैमध्ये शिवकुमार यांनी भ्रष्टाचार प्रतिबंधक कायदा, 1988 च्या कलम 13(2) आणि 13(1)(ई) अंतर्गत ऑक्टोबर 2020 मध्ये सीबीआयनं नोंदवलेल्या एफआयआरच्या वैधतेला आव्हान देणारी याचिका दाखल केली होती.