प्रभू राम मंदिराच्या उद्घाटनानंतर अयोध्येत पर्यटकांचा महापूर आला आहे. रामलल्लाच्या दर्शनासाठी दररोज लाखो लोक येत आहेत. अशा परिस्थितीत फूड कंपन्याही त्यांचे आउटलेट उघडण्याच्या तयारीत आहेत. नुकत्याच उघडलेल्या डॉमिनोजच्या अफाट यशानंतर अधिकाऱ्यांनी आता यूएस स्थित केंटकी फ्राइड चिकन (KFC) चे आउटलेट उघडण्याच्या शक्यतेचे संकेत दिले आहेत. जर त्यांनी फक्त शाकाहारी पदार्थ विकले तर त्यांना परवानगी दिली जाऊ शकते.
KFC साठी घातली अट
मनीकंट्रोलने अयोध्येतील विशाल सिंग या सरकारी अधिकाऱ्याचा हवाला देऊन सांगितले की, 'केएफसीने अयोध्या-लखनौ महामार्गावर आपले युनिट तयार केले आहे. कारण आम्ही अयोध्येत मांसाहारी पदार्थांच्या विक्रीला परवानगी देत नाही. जर त्यांनी फक्त शाकाहारी पदार्थ विकण्याचा निर्णय घेतला तर आम्ही केएफसीला अयोध्येत जागा देण्यास तयार आहोत. अयोध्येतील पंचकोसी मार्गावर मांस आणि मद्य देण्यावर कडक बंदी आहे. या मार्गामध्ये अयोध्येभोवती 15 किलोमीटरची तीर्थक्षेत्र असलेली पंच कोसी परिक्रमा समाविष्ट आहे जी रामायणाशी संबंधित पवित्र स्थळांना भेट देते.
मांसाहारी पदार्थांची विक्री न करण्याची अट
ते म्हणाले, “आमच्याकडे मोठ्या फूड चेन आउटलेट्सकडून अयोध्येत त्यांची दुकाने सुरू करण्याचे प्रस्ताव आहेत. आम्ही त्यांचे स्वागत करतो, पण फक्त एकच बंधन आहे की, ते पंचकोसीत मांसाहारी पदार्थांची विक्री चालणार नाही.'' अयोध्येत मांसाहारावर बंदी ही काही वेगळी बाब नाही. हरिद्वार शहराच्या हद्दीत देखील असेच निर्बंध घालण्यात आले आहेत. परिणामी, KFC सारख्या आस्थापना शहराच्या बाहेरील भागात, विशेषतः हरिद्वार-रुरकी महामार्गावर आहेत.
मंदिर पर्यटनात वाढ
राज्य सरकारच्या अंदाजानुसार, 17 एप्रिल रोजी रामनवमीपर्यंत साप्ताहिक आधारावर 10-12 लाख पर्यटक अयोध्येला भेट देतील, त्यानंतरही मोठ्या संख्येने पर्यटक येण्याची अपेक्षा आहे. राज्य पर्यटन विभाग ₹2020 कोटी पेक्षा जास्त किमतीचे प्रकल्प लॉन्च करणार आहे, तर गृहनिर्माण विभाग ₹3234 कोटी किमतीचे प्रकल्प लॉन्च करणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.