Shraddha Murder Case : मला सोडायचा हट्ट केला म्हणून मारून टाकलं; क्रूरकर्मा आफताबची कबुली

श्रद्धा वालकर हत्येप्रकरणी रोज नवनवीन खुलासे होत आहेत. या प्रकरणातला मुख्य आरोपी आफताब पुनावालाची नार्को टेस्ट करण्यात आली आहे. या टेस्टमध्ये त्याने श्रद्धाच्या खुनाप्रकरणी अनेक गोष्टी कबूल केल्या आहेत. तसंच आपण तिचा खून कसा केला, याची माहितीही दिली आहे.

कालच आफताबची नार्को टेस्ट पूर्ण झाली. या टेस्टमध्ये त्याने डॉक्टरांना आपल्या गुन्ह्याविषयी माहिती दिली आहे. त्याने सांगितलं की जेव्हा श्रद्धाने आपल्याला सोडून जायची धमकी दिली, त्यावेळी त्याने श्रद्धाचा खून केला. आपण श्रद्धाचं शीर लपवून ठेवलं होतं आणि नंतर ते टाकून दिलं, अशी माहितीही आफताबने दिली. मात्र ते कुठे टाकलं हे त्याला आठवलं नाही.

आफताबची नार्को टेस्ट जवळपास दोन तास चालली. या दोन तासात आफताबला दिलेल्या केमिकलमुळे तो अनेकदा बेशुद्ध पडत होता. त्याला हलवून, थोपटून जागं करावं लागत होतं. आफताबला २० - २५ प्रश्न विचारले गेले.

हेही वाचा - आरामात फेडू शकाल अशीच घ्या कर्जे....