लव्ह जिहादनंतर आता लँड जिहाद! जाणून घ्या काय आहे प्रकार

लव्ह जिहादची देशभरात चर्चा सुरू असतानाच मध्य प्रदेशातील छतरपूर जिल्ह्यात आजकाल 'लँड जिहाद'ची चर्चा सुरू आहे. छतरपूर जिल्ह्यात लँड जिहाद सुरू असून जिल्हा प्रशासन मूकपणे या घटनांकडे बघत असल्याचा आरोप बजरंग दलाच्या कार्यकर्त्यांनी केला आहे. जिल्हा प्रशासनावर अतिक्रमण हटवत नसल्याबाबत व पक्षपातीपणाने वागणूक देत असल्याचा आरोप करत बजरंग दलाच्या कार्यकर्त्यांनी केला आहे. कार्यकर्त्यांनी बुधवारी जिल्हाधिकारी कार्यालय गाठले आणि जिल्हा प्रशासनाच्या अधिकाऱ्यांना यासंदर्भात निवेदन दिले. त्याचबरोबर शहरात सुरू असलेले अतिक्रमण कोणताही भेदभाव न करता हटवावे, असे बजरंग दलाच्या कार्यकर्त्यांनी सांगितले. (Land jihad after love jihad! Bajrang Dal's allegation – some community occupying land in Chhatarpur)

विशिष्ट समाजाचे लोक जमिनींवर कब्जा करत असल्याचा आरोप-

बजरंग दलाचे जिल्हा समन्वयक सुरेंद्र शिवहरे यांनी म्हटले आहे की, लँड जिहाद अंतर्गत जिल्ह्यात जमिनी बळकावल्या जात आहेत. परिसरात सुनियोजित कटाचा एक भाग म्हणून विशिष्ट समाजाच्या लोकांनी जमिनीवर कब्जा केला असून जिल्हा प्रशासन त्यांच्यावर कोणतीही कारवाई करत नाही. याबाबत बजरंग दलाचे कार्यकर्ते मोठ्या संख्येने जिल्हाधिकारी कार्यालयात पोहोचले आणि त्यांनी अधिकाऱ्यांना निवेदन दिले.

तर दुसरीकडे अतिक्रमण काढण्याची मोहीम सुरू असून कोणत्याही प्रकारचे अतिक्रमण असेल तरी ते काढले जाईल, असे जिल्हा प्रशासनाचे म्हणणे आहे.