नेपाळमधील अचानक आलेल्या पुरांनंतरही गंडक नदीची पाणीपातळी सामान्य मर्यादेत असून, त्यामुळे या भागातील पुराचा धोका कमी झाला आहे..अग्निशमन दलाकडून तीन वाहने दाखल होत आग विझवण्याचे काम सुरू.आदिवासी विद्यार्थी आंदोलनाच्या ठिकाणी व आसपास सुमारे सव्वाशे पोलिसांचा ताफा तैनात करण्यात आला असून दोन रुग्णवाहिका ही ठेवण्यात आलेल्या आहेत..तीन उमेदवारांवर गुन्हा, १४६ जणांना नियुक्तीव्हायरल स्क्रीनशॉट बनावट असल्याचा निष्कर्षपरीक्षा केंद्रातील दोन कर्मचाऱ्यांवरही एफआयआर, १८ पदे रिक्त.सुमारे १० टन मदतसाहित्यासह तिसरे C-130J विमान नेपाळच्या दिशेने रवाना झाले आहे..कर्नाटकचे मंत्री बी. नागेंद्र यांनी शुक्रवारी आपल्या राजीनाम्याची घोषणा केली आणि तो स्वेच्छेने देत असल्याचे सांगितले. "विरोधी पक्षाने माझ्यावर केलेल्या अनावश्यक आरोपांमुळे माझ्या पक्षाची जी नाचक्की होऊ शकते, ती टाळण्यासाठी मी स्वेच्छेने राजीनामा देत आहे," असे ते म्हणाले..पुणे शहर पोलिसांच्या विशेष शाखेने (SB) लष्करी गुप्तचर विभागाच्या (MI) समन्वयाने, शहरात बेकायदेशीरपणे वास्तव्य करणाऱ्या तीन बांगलादेशी नागरिकांना ताब्यात घेतले..राष्ट्रवादी काँग्रेस (शरदचंद्र पवार) पक्षाच्या मुख्य प्रवक्त्या विद्या चव्हाण म्हणतात, "ही अत्यंत दुर्दैवी आणि शोकांतिकापूर्ण घटना आहे. पावसाळ्यात अशा घटना नेहमीच घडत असतात, मग ते हिमाचल प्रदेश असो वा नेपाळ... आपण पर्यावरणाबाबत अत्यंत जागरूक असायला हवे, कारण आपण त्याकडे जितके लक्ष द्यायला हवे तितके देत नाही आहोत... जेव्हा अशा घटना घडतात, तेव्हा लोकांची कुटुंबे उद्ध्वस्त होतात... अशी दुर्घटना घडणे हे जागतिक तापमानवाढीचे (ग्लोबल वॉर्मिंगचे) एक मोठे लक्षण आहे आणि आपण याची गांभीर्याने दखल घेतली पाहिजे...".ते म्हणतात, "आपण पाश्चिमात्य संस्कृतीने वेढलेले आहोत असे जरी आपण म्हणत असलो तरी, आपला समाज आपल्या स्वतःच्या सांस्कृतिक परंपरा टिकवून ठेवण्यात, जतन करण्यात आणि समृद्ध करण्यात कधीही कमी पडत नाही. हा एक महत्त्वाचा आणि पवित्र सण आहे जो आपण सर्वजण मिळून साजरा करतो...".गणेशोत्सवात तसेच विसर्जन मिरवणुकीत यंदा डीजेचा आवाजाचा मुद्दा गाजत आहे. पुणे पोलिसांनी यंदा डीजेचा कर्णकर्कश आवाज बंद करण्याची भूमिका घेतली आहे. .अल्पवयीन मुलांना गुन्हेगारीच्या वाटेवर जाण्यापासून परावृत्त करून त्यांना समाजाच्या मुख्य प्रवाहात आणण्यासाठी पुणे शहर पोलिसांनी एक संवेदनशील आणि तेवढाच अनोखा उपक्रम आज राबवण्यात आला..बाणेर पोलीस ठाण्यात गुन्हा नोंद असलेल्या गुन्हा असलेल्या सुरुवातीला 98 ग्रॅम एमडी (मेफेड्रोन) सह 3 आरोपींना अटक करण्यात आली होती.पुढील तपासादरम्यान आणखी 1आरोपीला अटक करण्यात आली..शेजारील नेपाळमध्ये आलेल्या विनाशकारी अचानक पुरामुळे गंगा, गंडक, कोसी आणि बुढी गंडक या नद्यांच्या पाणी पातळीत वाढ होत असल्याने बिहारच्या काही भागांवर महापुराचे संकट ओढवले आहे..मतदार यादीशी संबंधित संवेदनशील कागदपत्रे झेरॉक्स सेंटरमध्ये आढळून आल्याप्रकरणी रायगडचे जिल्हाधिकारी किसन जावळे यांनी मोठी कारवाई केली आहे..परराष्ट्र मंत्री डॉ. एस. जयशंकर म्हणतात, "नेपाळचे प्रशासन आणि तिथली सुरक्षा दले बचावकार्य करत आहेत. त्यामुळे, हे लोक (२१ जणांचा गट जो नुकताच भारतात पोहोचला आहे) देखील नेपाळच्या लष्करानेच सुरक्षित बाहेर काढले आहेत. आमच्या बाजूने नेपाळ सरकारला जी काही मदत करता येईल, ती आम्ही करत आहोत.".अँकर - नागपुरात कंत्राटदारांचा संताप थकीत बिलांमुळे कंत्राटदार गजू देवकाते यांनी आत्महत्या केल्याच्या घटनेनंतर आज नागपुरात कंत्राटदार संघटना आक्रमक झाल्या आहेत. देवकाते यांना श्रद्धांजली अर्पण करण्यासाठी कंत्राटदार रवी भवन परिसरात सार्वजनिक बांधकाम मंत्री शिवेंद्रसिंहराजे भोसले यांच्या बंगल्यासमोरच श्रद्धांजली अर्पण केली आहे...शक्तिपीठ महामार्ग आणि साखरेच्या दरातील चढ-उतारावरून कोल्हापुरात पुन्हा राजकीय वातावरण तापलंय. स्वाभिमानी शेतकरी संघटनेचे नेते राजू शेट्टी यांनी शक्तिपीठ महामार्गाच्या सर्वेक्षणाला तीव्र विरोध करत, कोणत्याही परिस्थितीत मोजणी होऊ देणार नसल्याचा इशारा दिला..नेपाळच्या 'राष्ट्रीय आपत्ती जोखीम न्यूनीकरण आणि व्यवस्थापन प्राधिकरणा'नुसार, नेपाळमधील अचानक आलेल्या पुरामुळे मृतांची संख्या ५३८ वर पोहोचली आहे..राष्ट्रपतींनी सांगितले की, रक्षाबंधनाचे महत्त्व केवळ बहीण-भावाच्या नात्यापुरतेच मर्यादित नाही. प्रेम आणि काळजीचे प्रतीक म्हणून राखीचा हा पवित्र धागा कुटुंबातील सदस्य, मित्र आणि अगदी झाडांनाही बांधला जाऊ शकतो, असे त्या म्हणाल्या. पर्यावरण संवर्धनाच्या महत्त्वावर भर देत, त्यांनी मुलांना झाडे-वेलींची जोपासना करण्याचे आवाहन केले..शिवसेना नेते संजय निरुपम म्हणाले, "मुख्यमंत्री यांचा निर्णय कौतुकास्पद आहे. महाराष्ट्र सरकारने रिक्षा आणि टॅक्सी चालकांना मराठी शिकवण्यासाठी जी मोहीम राबवली, तिला चालकांकडून खूप चांगला प्रतिसाद मिळाला. तरीही, काही प्रमाणात असे चालक होते जे ती भाषा शिकू शकले नाहीत. त्यांच्यावर अशी कारवाई करण्याचे ठरले होते की, त्यांनी एका महिन्याच्या आत मराठी शिकणे आवश्यक आहे; अन्यथा त्यांना दंड (चलन) भरावा लागेल आणि त्यांचे परवाना (लायसन्स) जप्त केले जाईल. यामुळे भीतीचे वातावरण निर्माण झाले होते... अशा परिस्थितीत, मुख्यमंत्र्यांनी मुदत एक वर्षाने वाढवण्याची घोषणा केली आहे. या काळात, जे रिक्षा चालक अजूनही मराठी शिकायचे बाकी आहेत, त्यांनी ती भाषा शिकून घ्यावी... महाराष्ट्रात मराठी संस्कृती आहे आणि तिचा आदर केला गेला पाहिजे. हा निर्णय त्या संस्कृतीचा आदर करण्याच्या दृष्टीनेच घेण्यात आला आहे...".मानसरोवर यात्रेसाठी नेपाळमध्ये गेलेला कल्याणचा २८ वर्षीय तरुण अभिषेक घोणे गेल्या तीन दिवसांपासून बेपत्ता असल्याची माहिती समोर आली आहे. नेपाळमध्ये आलेल्या पुरामुळे अनेक नागरिक बेपत्ता झाल्याचे सांगितले जात असून, त्यामध्ये कल्याण-डोंबिवलीतील चार नागरिकांचा समावेश असल्याचे समोर आले आहे. अभिषेकचा लवकरात लवकर शोध घेऊन त्याच्याबाबतची माहिती कुटुंबीयांना द्यावी, अशी मागणी घोणे कुटुंबीयांनी शासनाकडे केली आहे. केंद्र आणि राज्य सरकारने तसेच संबंधित यंत्रणांनी तातडीने मदतकार्य करून बेपत्ता नागरिकांचा शोध घ्यावा, अशी अपेक्षाही व्यक्त केली जात आहे..शेतीतील उत्पादनाचा खर्च सातत्याने वाढतोय एआयचा वापर केला तर उत्पादन खर्च २५ ते ३० टक्के कमी करू शकतो , असे मुख्यमंत्री देवेंद्र फडणवीस यांनी म्हटले आहे. .नेपाळ महापुरात मृत्युमुखींची संख्या ४८९ वर पोहोचली असून आतापर्यंत ३९३ मृतदेहांची ओळख पटली असल्याची माहिती सरकारकडून देण्यात आली आहे. महापुराचा धोका आणखी कायम आहे..नागपूरच्या आपत्ती व्यवस्थापन विभागाच्या माहितीनुसार, 106 जण मानसरोवर यात्रेसाठी गेले होते. धार्मिक यात्रेला गेल्याची माहिती त्यांनी प्रशासनाला दिली आहे. या यात्रेतील एका प्रमुख व्यक्तीशी संपर्क साधला असता त्यांनी सर्वजण सुरक्षित असल्याचे कळवले आहे. हे सर्व जण कठमांडू–जनकपूर मार्गे भारतात परत येण्याच्या तयारीत होते. दरम्यान, काही प्रवाशांनी पाठवलेल्या व्हिडिओंमध्ये तेथील हवामान बिघडल्याचे दिसून आले आहे. त्यामुळे काही प्रवासी आज संध्याकाळी किंवा रात्री भारतातील विविध भागांत पोहोचण्याची शक्यता व्यक्त केली जात आहे..नाशिक : सिंहस्थ महाकुंभाच्या पार्श्वभूमीवर मुख्यमंत्री देवेंद्र फडणवीस आज नाशिक दौऱ्यावर आहेत. आगामी सिंहस्थ महाकुंभाच्या तयारीच्या दृष्टीने मुख्यमंत्र्यांचा हा दौरा महत्त्वपूर्ण मानला जात आहे. मुख्यमंत्री देवेंद्र फडणवीस यांच्या हस्ते ‘सिंहस्थ महाकुंभ भक्ती संगम’ या कार्यक्रमाचे उद्घाटन होणार आहे. या दौऱ्यादरम्यान सिंहस्थ कुंभमेळ्याच्या अनुषंगाने विविध विषयांवर आढावा घेतला जाण्याची शक्यता आहे..पुणे शहरातील वाढत्या ध्वनी प्रदूषणाला आळा घालण्यासाठी मुंबई उच्च न्यायालयाने दिलेल्या निर्देशांची अंमलबजावणी होत नसल्याचा आरोप करत पुणे पोलिस आयुक्त अमितेशकुमार यांच्याविरोधात न्यायालयीन अवमान याचिका दाखल करण्यात आली आहे. अखिल भारतीय ग्राहक पंचायत, भारतीय मजदूर संघ, पुणे डिस्ट्रिक्ट सीएचएस अँड अपार्टमेंट्स फेडरेशन, पुणे डिस्ट्रिक्ट रिटेल व्यापारी संघ, श्री स्वामी समर्थ सहकारी संस्था आणि ज्येष्ठ नागरिक विलास लेले यांनी ही याचिका दाखल केली आहे. .मुंबई : बहीण-भावाच्या पवित्र नात्याचा सण म्हणून ओळखल्या जाणाऱ्या रक्षाबंधनानिमित्त मुंबई येथे मंत्री पंकजा मुंडे आणि आदिती तटकरे यांनी आमदार धनंजय मुंडे यांना राखी बांधली. यावेळी धनंजय मुंडे यांनी दोन्ही बहिणींना त्यांच्या उत्तरोत्तर प्रगतीचा आलेख वृद्धिंगत व्हावा आणि जनतेची कायम सेवा करण्याची संधी मिळावी, असा आशीर्वाद दिला. रक्षाबंधनानिमित्त झालेल्या या भेटीत भाऊ-बहिणीच्या नात्यातील जिव्हाळा आणि आपुलकीचा क्षण पाहायला मिळाला..बंगळुरू, कर्नाटक : विजयापुरा जिल्ह्यातील तालीकोटी येथे आयोजित करण्यात आलेल्या RSS पथसंचलनात सहभागी झाल्याचा आरोप असलेल्या यादगीर जिल्ह्यातील दोन सरकारी शाळेतील शिक्षकांवर नऊ महिन्यांनंतर निलंबनाची कारवाई करण्यात आली आहे. राज्याच्या शिक्षण विभागाने ही कारवाई केली. या कारवाईवर केंद्रीय मंत्री एच. डी. कुमारस्वामी यांनी प्रश्न उपस्थित केला आहे. ते म्हणाले, "RSSच्या पथसंचलनात सहभागी होण्यात त्यांनी एवढी मोठी चूक काय केली? ते राज्याप्रती बांधील नाहीत का? RSSच्या कार्यक्रमाला उपस्थित राहिल्याने काही नुकसान झाले आहे का? तिथे कोणती हिंसा झाली आहे का?" शिक्षकांवर करण्यात आलेल्या निलंबनाच्या कारवाईच्या पार्श्वभूमीवर कुमारस्वामी यांनी सरकारच्या निर्णयावर नाराजी व्यक्त करत, केवळ पथसंचलनात सहभागी झाल्यामुळे शिक्षकांवर कारवाई करण्याचे कारण काय, असा सवाल उपस्थित केला..मुंबई : केंद्रीय मंत्री रामदास आठवले यांनी रक्षाबंधनाच्या निमित्ताने मुंबईतील कामाठीपुरा या रेड-लाइट परिसराला भेट दिली. यावेळी येथील महिलांनी त्यांच्या मनगटावर राखी बांधली. “मी आज पहिल्यांदाच कामाठीपुरात आलो आहे. येथे राहणाऱ्या महिला परिस्थितीच्या मजबुरीमुळे हे जीवन जगत आहेत. देशातील विविध राज्यांमधून महिला येथे येतात. त्यांनी स्वतःच्या हाताने मला राखी बांधली. त्यांच्या समस्या सोडवण्यासाठी मी प्रयत्न करणार आहे. या महिलांना मुख्य प्रवाहात आणण्यासाठी त्यांना रोजगार उपलब्ध करून देणे आवश्यक आहे,” असे रामदास आठवले यांनी सांगितले. इथे क्लिक करा....नेपाळ पोलिसांनी नागरिक आणि बचाव पथकांना सतर्कतेचा इशारा दिला आहे. तिबेटच्या बाजूचा पाण्याचा धरणबंध पुन्हा फुटल्याची माहिती मिळाल्याचे पोलिसांनी सांगितले. त्यामुळे सुरक्षा कर्मचारी, बचाव व मदतकार्यात सहभागी पथके तसेच नागरिकांनी तातडीने सतर्क राहून सुरक्षित ठिकाणी स्थलांतर करावे किंवा इतरांनाही सावध करावे, असे आवाहन करण्यात आले आहे..भोटेकोशी नदीला आलेल्या भीषण पुरामुळे प्रभावित नागरिकांच्या बचावासाठी नेपाळ आर्मीच्या जवानांनी मोहीम राबवली. बचावकार्यादरम्यान एका जवानाने सुरक्षितपणे बाहेर काढलेल्या चिमुकल्याला कडेवर घेतल्याचे हृदयस्पर्शी दृश्य समोर आले..मुंबई : MPSC पेपरफुटी प्रकरणात सहा आरोपींना अटक केल्यानंतर मुंबई पोलिसांनी तपासाला वेग दिला आहे. या प्रकरणाच्या पुढील तपासासाठी मुंबई स्थानिक गुन्हे शाखेचे पाच कर्मचारी आणि अधिकाऱ्यांचे पथक नंदुरबारमध्ये दाखल झाले आहे. मुंबई पोलिसांचे हे पथक नंदुरबारमध्ये आरोपींच्या घरांसह कौटिल्य अकॅडमीचे स्पॉट पंचनामे करणार आहे. पेपरफुटी प्रकरणाशी संबंधित पुरावे आणि घटनास्थळावरील परिस्थितीची पडताळणी करण्याच्या दृष्टीने ही कारवाई महत्त्वाची मानली जात आहे. सहा आरोपींच्या अटकेनंतर मुंबई पोलीस ॲक्शन मोडवर आले असून, या प्रकरणाच्या तपासाला आता आणखी गती मिळण्याची शक्यता आहे..कराड : कोयना धरण पाणलोट क्षेत्रात पावसाची उघडझाप सुरू आहे. गेल्या तीन दिवसापासून धरणाची पाणी पातळी 101 टीएमसीच्यावर आहे. पावसाचा जोर कमी असल्यामुळे त्यामुळे झपाट्याने वाढ न होता टप्प्याटप्प्याने वाढ होत आहे. कोयना धरणात सध्या 101.57 टीएमसी पाणीसाठा झाला आहे. दरम्यान, गुरुवारी सायंकाळी पाच वाजल्यापासून आज शुक्रवारी सकाळी आठ वाजेपर्यंत धरणातील पाणी पातळी 0.32 पाण्याची टीएमसी वाढ झाली आहे. कोयना धरणात सध्या 101.57 टीएमसी पाणीसाठा झाला आहे. पावसाचे प्रमाण व धरणातील पाण्याचे आवक याचा विचार करून कोयना धरणाचे सहा वक्र दरवाजे व पायथा वीज गृहातून केव्हाही पाण्याचा विसर्ग कोयना नदीपात्रात करण्यात येईल असे धरण व्यवस्थापनाने कळविले आहे.कोल्हापूर : गोकुळच्या कच्च्या मतदार यादीवर आलेल्या हरकतींवरील अंतिम सुनावणी आज (ता. २८) होणार आहे. यामध्ये ३१० हरकती असणार आहेत. सर्व सुनावण्यांचा निकाल ३१ ऑगस्टला आहे. चार सप्टेंबरला अंतिम मतदार यादी प्रसिद्ध होणार आहे. कच्च्या मतदार यादीवर तब्बल १७११ हरकती घेतल्या आहेत. ताराबाई पार्क येथील दुग्धच्या सहायक निबंधक कार्यालयाकडे या हरकती दाखल झाल्या आहेत. पैकी सुमारे १४०० हरकतींवर आजपर्यंत सुनावणी झाली. आता उर्वरित ३१० हरकतीवर अंतिम सुनावणी आहे..मुंबई : नेपाळमधील पूरस्थितीच्या पार्श्वभूमीवर महाराष्ट्रातील ११४ हून अधिक पर्यटक अडकले असून, त्यांना सुरक्षित बाहेर काढण्यासाठी शिवसेना सक्रियपणे मदतकार्य करत असल्याची माहिती शिवसेनेच्या प्रवक्त्या शायना एनसी यांनी दिली. शायना एनसी म्हणाल्या की, “आमचे नेते एकनाथ शिंदे यांनी नेपाळमध्ये प्रवासासाठी गेलेल्या महाराष्ट्रातील नागरिक आणि पर्यटकांशी व्हिडिओ कॉलद्वारे संवाद साधला आहे. परराष्ट्र मंत्रालय आणि भारतीय दूतावासही या पर्यटकांच्या संपर्कात आहेत.” प्रत्येक नागरिकाला सुरक्षित बाहेर काढणे हाच आमचा एकमेव उद्देश आहे, असे त्यांनी सांगितले. केंद्र सरकारने उपलब्ध करून दिलेली हेल्पलाइन अत्यंत उपयुक्त ठरत असून, त्याद्वारे पर्यटकांच्या प्रवासाची माहिती मिळत असल्याचेही त्यांनी स्पष्ट केले..कर्नाटक : शिवमोग्गा येथील आरएमएल नगरमध्ये ईद मिलादच्या उत्सवासाठी उभारण्यात येत असलेल्या कटआऊटवर पॅलेस्टिनी झेंडा फडकावल्याप्रकरणी पोलिसांनी तिघांविरोधात गुन्हा दाखल केला आहे. ही घटना २४ ऑगस्ट रोजी घडली. एफआयआरनुसार, निहाल ऊर्फ बेक्कू, उमर आणि अब्रहर या तिघांनी कटआऊटवर चढून पॅलेस्टिनी झेंडा फडकावला आणि या प्रकाराचा व्हिडिओ रेकॉर्ड केला. त्यानंतर हा व्हिडिओ इन्स्टाग्रामवर प्रसारित करण्यात आल्याचे पोलिसांनी म्हटले आहे. या कृत्यामुळे दोन समुदायांमध्ये तणाव निर्माण होण्याची, वैमनस्य वाढण्याची तसेच सार्वजनिक सुव्यवस्थेला बाधा निर्माण होण्याची शक्यता असल्याचे पोलिसांनी नमूद केले आहे. या प्रकरणी तिघांविरुद्ध BNS कलम 353(2), 196(1) आणि 197 अंतर्गत गुन्हा दाखल करण्यात आला आहे. या प्रकरणाचा पुढील तपास सुरू असल्याची माहिती शिवमोग्गा पोलिसांनी दिली..कोल्हापूर : केएमटीकडील २९ रोजंदारी वाहक-चालकांच्या नोकरीत कायम करण्याच्या प्रकरणात केएमटीने दाखल केलेली याचिका सर्वोच्च न्यायालयाने फेटाळली. त्यामुळे त्यांना कायम करण्याबरोबरच त्या कालावधीचा आर्थिक लाभही द्यावा लागणार आहे. यामुळे रोजंदारी कर्मचाऱ्यांमध्ये आनंदाचे वातावरण आहे. केएमटीला या कर्मचाऱ्यांना फार मोठी रक्कम द्यावी लागणार आहे..फलटण : आज, २८ ऑगस्ट २०२६ रोजी सकाळी ७ वाजता, वीर धरणाची पाणीपातळी नियंत्रित करण्यासाठी धरणाच्या सांडव्यावरून ४६३७ क्युसेक आणि अतिवाहकाद्वारे ११०० क्युसेक, असा एकूण ५७३७ क्युसेक पाण्याचा विसर्ग नीरा नदीपात्रात सुरू करण्यात आला आहे. पावसाचे प्रमाण आणि धरणात होणारी पाण्याची आवक यानुसार नदीपात्रातील विसर्ग कमी किंवा जास्त करण्याची शक्यता आहे. त्यामुळे नदीकाठच्या नागरिकांनी याची नोंद घेऊन आवश्यक ती खबरदारी घ्यावी, असे आवाहन कार्यकारी अभियंता नीरा उजवा कालवा विभाग यांनी केले आहे..हैदराबाद : नेपाळमधील महापुराच्या परिस्थितीवर असदुद्दीन ओवेसी यांनी चिंता व्यक्त केली आहे. नेपाळमध्ये परिस्थिती अत्यंत गंभीर असून, महापुरामुळे मोठ्या प्रमाणात नुकसान झाले आहे. अनेक जण बेपत्ता असल्याचे त्यांनी सांगितले. “नेपाळमधील परिस्थिती अत्यंत वाईट आहे. एवढा भीषण पूर आला आहे की, मोठ्या प्रमाणात नुकसान झाले असून अनेक लोक बेपत्ता आहेत. या कठीण काळात भारत सरकार नेपाळला मदत करेल, अशी आम्हाला आशा आहे,” असे ओवेसी म्हणाले. नेपाळमध्ये झालेल्या मोठ्या नुकसानीबद्दल त्यांनी दुःख व्यक्त केले. “तेथे झालेली हानी पाहून मला अत्यंत दुःख झाले असून ही परिस्थिती खरोखरच वेदनादायक आहे,” असेही त्यांनी नमूद केले..कर्जत : पुणे पोलिसांच्या अमली पदार्थविरोधी पथकाने आणि कर्जत पोलिसांनी संयुक्त कारवाई करत कर्जतमधील हालिवली येथील सिग्नेचर या इमारतीवर छापा टाकला. बी-विंगमधील फ्लॅट क्रमांक १०२ मध्ये राहत असलेल्या नायजेरियन नागरिकांकडे ड्रग्ज तस्करीप्रकरणी चौकशी सुरू आहे. गुप्त माहितीच्या आधारे करण्यात आलेल्या या कारवाईत फ्लॅटमधून ड्रग्ज तसेच इतर महत्त्वाचे पुरावे जप्त करण्यात येत आहेत. पोलिसांनी काही नायजेरियन नागरिकांना ताब्यात घेतले असून त्यांची कसून चौकशी सुरू आहे. प्राथमिक तपासात ड्रग्ज तस्करीच्या साखळीतील संबंध उघड झाल्याची माहिती समोर आली आहे. या धाडीनंतर कर्जत परिसरात एकच खळबळ उडाली. आरोपींची नेमकी संख्या पोलिसांकडून लवकरच जाहीर केली जाणार आहे..कुपवाड : कुपवाड ते कवलापूर मार्गावरती दुचाकीची ट्रॅक्टर-ट्रॉलीला धडक होऊन सांगली जिल्हा मध्यवर्ती सहकारी बँकेचे अध्यक्ष मानसिंगराव नाईक यांचे स्वीय सहायक सतीश रामचंद्र पाटील (वय ५०, रा. कवलापूर, ता. मिरज) ठार झाले. इथे क्लिक करा....कोल्हापूर : जलप्रलयाने हाहाःकार उडालेल्या नेपाळकडे जाणाऱ्या कोल्हापुरातील आगामी बहुतांशी सहली रद्द केल्या. अनिश्चित काळासाठी या सहली बंद राहतील. यापूर्वी ज्यांनी आगाऊ बुकिंग केले होते, त्यांनीही ते रद्द केले. .Latest Marathi Live Updates 28 August 2026 : पाण्याच्या धारदार प्रवाहामुळे अक्षरशः खरडून निघालेली जमीन, चिखलामध्ये रुतलेले अगणित श्वास अन् त्यांच्या मदतीसाठी जगभरातून पुढे आलेले मदतीचे असंख्य हात, असे चित्र देवभूमी नेपाळमध्ये पाहायला मिळत आहे. या जलप्रलयातील मृतांची संख्या ३५९ वर पोहोचली असून, दीड हजारांपेक्षा अधिक नागरिक अद्याप बेपत्ता आहेत. यामध्ये २८८ भारतीय पर्यटकांचाही समावेश आहे. याशिवाय देश-राज्यातील इतर महत्त्वाच्या घडामोडी, वाहतूक कोंडी, राजकीय हालचाली, क्रीडा, मनोरंजन आणि मान्सूनविषयक अपडेट्स यांची सविस्तर माहिती एका क्लिकवर उपलब्ध आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
