घेरा सिंहगड ग्रामपंचायतीच्या कामकाजातील अनियमितता, ग्रामपंचायत निधीतून झालेली विकासकामे तसेच जमा-खर्चाबाबत माहिती अधिकारात मागणी करूनही समाधानकारक व परिपूर्ण माहिती मिळत नसल्याचा आक्षेप घेत स्थानिक नागरिक सूर्यकांत बाजीराव सांबरे यांनी आज पंचायत समिती हवेली येथे उपोषण सुरू केले. गटविकास अधिकारी शेखर शेलार यांनी आवश्यक चौकशी करून कारवाईबाबत आश्वासन दिल्यानंतर सांबरे यांनी उपोषण मागे घेतले.
