Coromandel Express Accident : कोरोमंडलच्या अपघातामुळे वंदे भारतचा लोकार्पण सोहळा रद्द

मडगाव - चेन्नईहून हावडाकडे जाणाऱ्या कोरोमंडल या एक्सप्रेसला ओडिशाच्या बालासोर जिल्ह्यात भिषण अपघात झाला. त्यात ३० हून अधिक प्रवाशांचा जागेवरच मृत्यू असून १५० हून अधिक जण जखमी झाले असल्याची माहिती समोर आली आहे. या भिषण अपघातामुळे मडगाव येथे वंदे भारत एक्सप्रेसचे पंतप्रधान नरेंद्र मोदी यांच्या हस्ते होणारा लोकार्पण सोहळ्याचा कार्यक्रम रद्द करण्यात आला असल्याचे रेल्वे प्रशासनाकडून सांगण्यात आले.

कोरोमंडल एक्सप्रेस ही बालासोर जिल्ह्यातील बहनागा स्टेशनजवळ समोरून येत असलेल्या मालगाडीला येऊन धडकल्याने हा भिषण अपघात झाला. यात कोरोमंडल एक्सप्रेसचे १८ डब्बे रुळावरून घसरले तर अनेक डबे पलटी झाले असल्याने जखमीं आणि मृत्यंचीही संख्या वाढण्याची शक्यता वर्तवली जात आहे.

दरम्यान, पंतप्रधान नरेंद्र मोदी यांनी बालासोर‍ जिल्ह्यातील रेल्वेच्या भीषण अपघातावर ट्वीट करत जखमी झालेले प्रवासी लवकर बरे व्हावेत, अशी भावना व्यक्त केली.