A pickup truck carrying labourers collided head-on with a dumper on NH-719
esakal
मध्य प्रदेशातील भिंड जिल्ह्यात एका भीषण रस्ते अपघातात आठ मजुरांचा मृत्यू झाला आणि ३२ जण जखमी झाले आहेत. जखमींना गोहद रुग्णालयात नेण्यात आले; त्यापैकी गंभीर प्रकृती असलेल्यांना नंतर ग्वाल्हेरला हलवण्यात आले. हा अपघात मध्यरात्री १ च्या सुमारास भिंड-ग्वाल्हेर राष्ट्रीय महामार्गावरील छिमका गावाजवळ झाला. यात मजुरांना घेऊन जाणाऱ्या पिकअप ट्रकची डंपर ट्रकशी समोरासमोर धडक झाली. प्राथमिक माहितीनुसार, महामार्गावर बसलेल्या गाईंच्या कळपाला वाचवण्याच्या प्रयत्नात चालकाचे नियंत्रण सुटल्याने हा अपघात झाला.
