MP : ग्राहकाला आले तब्बल 3, 419 कोटी रुपयांचे वीजबील, रक्कम पाहिल्यावर थेट रुग्णालयात दाखल | Sakal
sakal

बोलून बातमी शोधा

electricity

अवाढव्य किंमत ऐकल्याने गुप्ता यांना धक्का बसला असून त्यांचे सासरे आजारी पडले आहेत

MP : ग्राहकाला आले तब्बल 3, 419 कोटी रुपयांचे वीजबील, रक्कम पाहिल्यावर थेट रुग्णालयात दाखल

मध्य प्रदेशातील ग्वाल्हेर येथील वीजबील कंपनीकडून एक अजब घटना घडली आहे. येथे राहणाऱ्या प्रियंका गुप्ता यांना तब्बल 3, 419 कोटी रुपयांचे वीज बिल आले आहे. वीज बिलाची ही अवाढव्य किंमत ऐकल्याने गुप्ता यांना धक्का बसला असून त्यांचे सासरे आजारी पडले आहेत. त्यामुळे त्यांना तात्काळ रुग्णालयात दाखल करण्यात आले आहे.

दरम्यान, मध्य प्रदेश सरकारकडून चालवल्या जाणार्‍या वीज कंपनींवर नागरिकांनी 'मानवी त्रुटी' म्हणून ठपका ठेवला आहे. त्यानंतर शहरातील शिव विहार कॉलनीत राहणाऱ्या गुप्ता कुटुंबाला १३०० रुपयांचे योग्य ते बिल देत दिलासा दिला आहे. वीज बिल कंपनींच्या या व्यवहारामुळे नागरिक संतापले आहेत. वीज कंपनींच्या हलगर्जीपणामुळे एखाद्या जीव जाऊ शकतो, अशी तीव्र प्रतिक्रिया नागरिकांतून येत आहेत.

हेही वाचा: CM शिंदेंनी उद्धव ठाकरेंना दिल्या वाढदिवसाच्या शुभेच्छा; म्हणाले...

काय आहे नेमकी घटना ?

गुप्ता यांचे पती संजीव कांकणे यांनी सांगितले की, जुलै महिन्याच्या वीज बिलातील घरगुती वापराची रक्कम पाहून वडील आजारी पडले आहेत. ठराविक रकमेत येणारे बील अचानक कोटी रुपयांत अल्याने सर्वांना धक्का बसला आहे. 20 जुलै रोजी दिलेले वीज बिल मध्यप्रदेशातील विद्युत वितरण कंपनीच्या पोर्टलद्वारे क्रॉस व्हेरिफाय केले होते. त्या वीज बिलाची किंमत योग्य होती. नंतर राज्य वीज कंपनीने ते बिल दुरुस्त केल्यानंतर त्याची किंमत वाढलेली आली.

या प्रकरणी वीज कंपनीचे महाव्यवस्थापक नितीन मांगलिक यांनी, अवाढव्य वीज बील वाढवण्यावरून मानवी चुकांचा ठपका ठेवत संबंधित कर्मचाऱ्यांवर कारवाई करण्यात आली असल्याची माहिती दिली आहे. ते म्हणाले, एखाद्या कर्मचार्‍याने वापरलेल्या युनिट्सऐवजी सॉफ्टवेअरमध्ये ग्राहक क्रमांक प्रविष्ट केला की जास्त रकमेचे बिल येण्याची शक्यता असते.

हेही वाचा: MH Rain Update : महाराष्ट्रात पुढील २ ते ३ दिवसांत विजांच्या कडकडाटासह पाऊस, IMD चा अंदाज

त्यामुळे वीज ग्राहक गुप्ता यांना योग्य ते 1,300 रुपयांचे योग्य बिल देण्यात आले आहे. या घटनेत वीज बिलातील झालेली त्रुटी सुधारण्यात आली असून संबंधित कर्मचाऱ्यावर कारवाई करण्यात येत आहे, अशी माहिती खासदार उर्जा मंत्री प्रद्युम्न सिंह तोमर यांनी दिली आहे.

Web Title: Madhya Pradesh Govt Company Issued Electricity Bill Of Rupees 3419 Crore To Citizen Hospitalised

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..