Latest Marathi News Live Update : कोल्हापुरातील बिंदू चौकात गॅस गळतीमुळे आग

कोल्हापुरातील बिंदू चौक, बडी मस्जिद परिसरातील एका हॉटेलबाहेर गॅस गळतीमुळे आग लागल्याची घटना सोमवारी सकाळी घडली. माहिती मिळताच महापालिका मुख्य कार्यालय येथील अग्निशमन दलाचे जवान तात्काळ घटनास्थळी दाखल झाले आणि पाण्याच्या फवाऱ्यांच्या सहाय्याने आग अटोक्यात आणली. हा परिसर दाटीवटीचा असल्याने मोठी दुर्घटना होण्याची शक्यता होती, मात्र सुदैवाने कोणतीही जीवितहानी झाली नाही. या घटनेचे दृश्ये सध्या मोठ्या प्रमाणात व्हायरल होत आहेत.