Maharashtra Rain Alert monsoon stop
esakal
Maharashtra Monsoon : मॉन्सूनने संपूर्ण महाराष्ट्र व्यापला असला तरी त्याची पुढील वाटचाल सध्या मंदावली आहे. दरम्यान, पुढच्या २४ तासांत महाराष्ट्रात सहा जिल्ह्यांना पावसाचा ऑरेंज अलर्ट देण्यात आला आहे. तर काही जिल्ह्यांत मेघगर्जना आणि मध्यम ते जोरदार पावसाचा इशारा हवामान विभागाने दिला. हवामान तज्ज्ञांच्या मते, मॉन्सून रेषेच्या दोन्ही बाजूंना पावसाची स्थिती अद्याप चिंताजनक असून मुंबईसह काही भागांना मुसळधार पावसासाठी आणखी काही दिवस प्रतीक्षा करावी लागू शकते.
