झारखंडमध्ये मोठी दुर्घटना; कोळसा खाणीत दबून १३ कामगारांचा मृत्यू

झारखंडमधील धनबादमध्ये कोळसा खाणीमध्ये (Coal Mine Accident) काम सुरू असताना मोठी दुर्घटना घडली आहे. मंगळवारी, निरसा ब्लॉकच्या ईसीएल मुग्मा भागात 20 फूट उंचीवरून मलबा पडल्याने सुमारे 13 लोकांचा (Died) मृत्यू झाला. या घटनेत १२ पेक्षा जास्त लोक ढिगाऱ्याखाली दबले गेल्याची भीती व्यक्त केली जात आहे. दरम्यान, घटनास्थळी मदत आणि बचावकार्य युद्धपातळावर सुरू करण्यात आले असून, घटनेतील जखमींना रुग्णालयात दाखल करण्याता आले आहे. ( Coal Mine Accident In Jharkhand)

झारखंडच्या धनबाद जिल्ह्यातील (Jharkhand) अनेक भागांत बेकायदेशीर कोळसा उत्खनन व्यवसाय सुरू आहे. धनबादचा निरसा परिसर अवैध कोळसा उत्खनन आणि व्यवसायाचं केंद्र बनला आहे. निरसा परिसरातून बेकायदेशीर कोळसा उत्खनन (Illegal coal Mining) करून बंगाल आणि इतर राज्यांमध्ये पाठवला जातो. पोलिसांच्या संगनमताने गेल्या अनेक वर्षांपासून हा अवैध धंदा सुरू आहे. या गोरखधंद्यामुळे शासनाचा कोट्यवधींचा महसूल बुडतोय. यासोबतच बेकायदेशीर कोळसा उत्खननादरम्यान मलबा पडून कामगारांचा मृत्यूही होतो.

आज ही घटना घडली त्यावेळी महिला, पुरुष आणि लहान मुलांसह अनेकजण या ठिकाणी अवैध उत्खनन करण्यासाठी आलेले होते. यावेळी अचानक २० फुट उंचीवरून मलबा कोसळला. या घटनेची माहिती मिळताच धनबादच्या निरसा पोलिसांनी घटनास्थळ गाठून प्रकरणाची चौकशी केली. त्यानंतर कोळशाने गाडलेल्या लोकांना बाहेर काढण्यासाठी जेसीबी मशीनने खोदकाम करण्यात आले.