खेळात हरवल्याने नवऱयाने मोडला बोयकोच्या पाठीचा कणा...

अहमदाबाद (गुजरात): देशात कोरोना व्हायरसमुळे लॉकडाऊनची घोषणा करण्यात आली. यामुळे अनेकजण घरामध्ये बसून वेळ घालवताना दिसत आहेत. मात्र, यामुळे कौटुंबिक वाद निर्माण होताना दिसतात. 'लूडो' नावाचा ऑनलाइन खेळामध्ये पत्नीने हरवल्यानंतर चिडलेल्या पतीने पत्नीच्या पाठीचा कणा मोडल्याची घटना येथे घडली.

पोलिस म्हणाले; लग्न करायचे का मग ये बाजूला...

ही घटना '181 अभयम हेल्पलाइन'मध्ये आलेल्या तक्रारीनंतर समोर आली आहे. पत्नीला उपचारासाठी रुग्णालयात दाखल करण्यात आले. प्रसारमाध्यमांनी दिलेल्या वृत्तानुसार, वेमाली येथे राहणारी एक 24 वर्षीय महिला घरात शिकवणी घेते. नवरा एका इलेक्ट्रॉनिक कंपनीत काम करतो. लॉकडाऊनमुळे नवरा घरीच आहे. नवऱयाने घराबाहेर न जात घरामध्ये थांबावे, यासाठी पत्नीने मोबाइलवर लूडो गेम खेळू म्हणून सांगितले. लुडो गेम खेळत असताना नवरा सलग चार वेळा हरला. यामुळे चिडल्यानंतर त्याने वाद घालायला सुरवात केली. वाद एवढा वाढला की त्याने पत्नीला मारहाण करण्यास सुरवात केली. मारहाणीत पत्नीच्या पाठीचा कणा मोडला. यानंतर त्याने पत्नीला उपचारासाठी रुग्णालयात दाखल केले.

'महिलांची कमी कपडे अन् चुकीच्या कामामुळेच कोरोना'

दरम्यान, पत्नीने घरी जाण्यास नकार देत माहेरी जाण्याची तयारी केली होती. पण, दोघांच्या समुपदेशनानंतर पतीने पत्नीची माफी मागितल्यामुळे पत्नीने त्याच्यासोबत पुन्हा घरी जाण्याची तयारी दर्शवली. त्यानंतर पत्नीला पुन्हा मारहाण न करण्याची ताकीद '181 अभयम हेल्पलाइन'कडून देण्यात आली आहे.

प्रेमाची ताकद पाहा; डोळ्यात येतील अश्रू...